दिल्ली, 16 ऑक्टोबर: दिल्ली पोलिसांनी 'लेहरा दो तिरंगा रॅली'ला सुरुवात होण्यापूर्वीच आयोजक अभिजीत दिपके यांना ताब्यात घेतले आहे. रॅलीचे नेतृत्व करणारा प्रमुख चेहराच पोलिसांच्या ताब्यात गेल्यामुळे आता या आंदोलनाचे पुढे काय होणार, असा प्रश्न निर्माण झाला आहे.
सौरव दास आणि आशुतोष रांका यांच्या अटकेचा निषेध नोंदवण्यासाठी या रॅलीचे आयोजन करण्यात आले होते. या आंदोलनासाठी सीजेपीचे (CJP) समर्थक सेंट्रल पार्कमध्ये मोठ्या संख्येने जमा झाले आहेत. तिथे पोलिसांचा मोठा फौजफाटा तैनात करण्यात आला असून, तिरंगा फडकवण्यासाठी केवळ ११ जणांनाच परवानगी देण्यात आली आहे. सध्या कोणताही मोठा नेता आंदोलनस्थळी पोहोचलेला नाही.
ताब्यात घेताना दिपके यांनी 'माझा गुन्हा काय?' असा सवाल पोलिसांना विचारला. त्यावर, 'आंदोलनाला परवानगी देण्यात आलेली नाही, तरीही तुम्ही या ठिकाणी मोठ्या संख्येने गर्दी करत असल्यामुळे ताब्यात घेत आहोत,' असे पोलिसांनी स्पष्ट केले.
तत्पूर्वी, आज दुपारपासूनच पोलिसांनी अभिजीत दिपके यांच्या घरी जाऊन त्यांच्याशी चर्चा सुरू केली होती. त्यामुळे त्यांच्यावर कारवाई होणार का किंवा त्यांना अटक केली जाणार का, याविषयी आधीपासूनच शक्यता वर्तवली जात होती.
📌 महत्वाच्या बातम्या
- सरन्यायाधीश सूर्यकांत यांच्यावरील टिप्पणी प्रकरण: संजय राऊत आणि निखिल वागळेंना सर्वोच्च न्यायालयाची नोटीस
- लातूर जिल्हा बँक निवडणूक: मंत्री बाबासाहेब पाटील आणि धीरज देशमुख एकाच गाडीत, नव्या समीकरणांची चर्चा
- IND vs WI 5th T20I: बंगळूरमध्ये रंगणार निर्णायक सामना; संभाव्य प्लेइंग ११ आणि हवामानाचा अंदाज
Quick Answers
दिल्ली पोलिसांनी रॅली सुरू होण्यापूर्वीच तिचे आयोजक अभिजीत दिपके यांना ताब्यात घेतले.
सौरव दास आणि आशुतोष रांका यांच्या अटकेचा निषेध नोंदवण्यासाठी या रॅलीचे आयोजन करण्यात आले होते.
आंदोलनाला परवानगी नसतानाही मोठ्या संख्येने गर्दी केली जात असल्यामुळे ताब्यात घेत असल्याचे पोलिसांनी स्पष्ट केले.
सेंट्रल पार्कमध्ये तिरंगा फडकवण्यासाठी केवळ ११ जणांनाच परवानगी देण्यात आली आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
