देवेंद्र फडणवीसांच्या वाट्याला जाल तर परिणाम वाईट होतील; चंद्रशेखर बावनकुळेंचा रोहित पवारांना इशारा

आमदार रोहित पवार यांच्या टीकेला उत्तर देताना मंत्री चंद्रशेखर बावनकुळे यांनी देवेंद्र फडणवीसांच्या वाट्याला न जाण्याचा निर्वाणीचा इशारा दिला आहे.

Published On: 

Chandrashekhar Bawankule criticizes Rohit Pawar over allegations against Devendra Fadnavis

प्रतिनिधी, 18 नोव्हेंबर: राष्ट्रवादी काँग्रेसचे आमदार रोहित पवार यांच्या वक्तव्यांवरून राज्यातील राजकीय वातावरण तापले आहे. यावर मंत्री चंद्रशेखर बावनकुळे यांनी आक्रमक भूमिका घेत रोहित पवारांना निर्वाणीचा इशारा दिला आहे. देवेंद्र फडणवीस, एकनाथ शिंदे आणि सुनेत्रा पवार यांच्याबाबत केलेली टीका आता खपवून घेतली जाणार नाही, असे बावनकुळे यांनी स्पष्ट केले. तसेच, काही जण राज्यात अराजकता निर्माण करण्याचा प्रयत्न करत असल्याचा आरोपही त्यांनी केला.

दोन दिवसांपूर्वी रोहित पवार यांनी एका पत्रकार परिषदेत देवेंद्र फडणवीस यांचा उल्लेख ‘मफलरमॅन’ असा केला होता. यावेळी त्यांनी व्हीएसआर कंपनीचे रोहित सिंग आणि फडणवीस यांचा एकत्र फोटो समोर आणल्याने खळबळ उडाली होती. अजित पवार यांच्या विमान अपघातामागे फडणवीस यांचा हात आहे असे आपले म्हणणे नाही, पण विमान कंपनीचे मालक आणि फडणवीस यांचे चांगले संबंध असल्याने तपास यंत्रणांच्या माध्यमातून योग्य कारवाई होईल की नाही, याबाबत शंका येते, असे रोहित पवार म्हणाले होते. या पार्श्वभूमीवर बावनकुळे यांनी रोहित पवारांनी राज्याची आणि फडणवीस यांची माफी मागावी, अशी मागणी केली आहे.

रोहित पवारांना चिमटा काढताना बावनकुळे यांनी सुप्रिया सुळे यांचे वक्तव्य योग्य असल्याचे सांगितले. तसेच, रोहित पवारांनी शरद पवारांचे संस्कार पाळण्याचा सल्लाही त्यांनी दिला. रोहित पवार जे करू पाहत आहेत ते राज्याच्या हिताचे नाही, असे सांगत फडणवीस यांनी विकासाच्या राजकारणात पक्ष किंवा गटबाजी आणली नसल्याचे ते म्हणाले. यावेळी इशारा देताना बावनकुळे म्हणाले, “देवेंद्र फडणवीस यांच्या वाट्याला जाऊ नका, त्याचे परिणाम वाईट होतील. ही धमकी नाही.”

याचवेळी मंत्री बावनकुळे यांनी शायना एनसी यांच्याकडून बाळासाहेब ठाकरे यांचा फोटो फाडल्या गेल्याच्या प्रकरणावरही प्रतिक्रिया दिली. या घटनेत नेमके काय घडले, याची आपल्याला माहिती नसल्याचे सांगत त्यांनी शायना एनसी यांची बाजू मांडली. त्या प्रगल्भ आणि हिंदुत्ववादी नेत्या असून त्यांचा तसा स्वभाव नसल्याचे बावनकुळे म्हणाले.

या प्रकरणावर भाष्य करताना बावनकुळे यांनी म्हटले की, “अनावधानाने घडलं असेल. माझ्याकडूनही कधी कधी अनावधानाने घडतं. त्यांची गल्लत झाली असेल. आमच्या बहिणीच्या हातून काही झालं असेल तर त्याला माफ करता येतं.” या प्रकरणात शायना एनसी यांना सोडून दिले पाहिजे, अशी भूमिकाही त्यांनी मांडली.

📌 महत्वाच्या बातम्या

MHD News

सत्य, निष्पक्षता आणि नव्या दृष्टिकोनाची कास धरत, 'महाराष्ट्र देशा' प्रत्येक घटनेचं प्रामाणिक रिपोर्टिंग करत आले आहे. अचूक आणि वेगवान बातम्या लोकांपर्यंत पोहोचवणे हे आमचे ध्येय आहे.

🕘 संबंधित बातम्या

Maharashtra Desha App Logo

महाराष्ट्र देशा App डाउनलोड करा

ताज्या बातम्या सर्वात आधी — Notifications सकट!

★★★★★ 4.8 (12K+ reviews)
🔔 Breaking Alerts 📖 Offline वाचा 🎙️ Audio News 📺 Live TV

FREE पूर्णपणे मोफत — कोणतेही Subscription नाही