पनवेल, 18 नोव्हेंबर: पनवेलमध्ये आयफोनच्या ईएमआयवरून झालेल्या वादातून एका तरुणाची त्याच्याच मित्राने चाकूने भोसकून हत्या केल्याचा धक्कादायक प्रकार उघडकीस आला आहे. या प्रकरणी पनवेल पोलिसांनी तातडीने कारवाई करत आरोपी मित्राला अटक केली आहे.
पोलिसांनी दिलेल्या माहितीनुसार, प्रतीक अंबवले असे हत्या झालेल्या तरुणाचे नाव असून, प्रतीक जाधव असे अटक करण्यात आलेल्या मुख्य आरोपीचे नाव आहे. या दोघांमध्ये आयफोनच्या हप्त्याच्या (EMI) पैशांवरून वाद सुरू होता. पैशांच्या या वादाने अचानक उग्र रूप धारण केल्याने आरोपी जाधव याने अंबवले याच्यावर चाकूने वार करून त्याचा जीव घेतला.
घटनेची माहिती मिळताच पनवेल पोलिसांनी त्वरित घटनास्थळी धाव घेत तपास सुरू केला आणि अल्पावधीतच आरोपी जाधवला बेड्या ठोकल्या. सध्या पोलीस या गुन्ह्यामागील वादाची सविस्तर माहिती आणि नेमके कारण शोधण्यासाठी अधिक तपास करत आहेत. मित्रत्वाच्या नात्यात पैशांवरून निर्माण झालेल्या वादामुळे एका तरुणाला आपला जीव गमवावा लागल्याने परिसरात खळबळ उडाली असून नागरिकांकडून हळहळ व्यक्त केली जात आहे.
📌 महत्वाच्या बातम्या
- शतपावलीसाठी घराबाहेर पडला, आरोपींनी डाव साधला; पंढरपुरात राजाभाऊ भिंगेची गोळ्या झाडून हत्या
- कार्तिकी वारीच्या तोंडावर पंढरपुरात गोळीबार; रेकॉर्डवरील गुन्हेगारावर जीवघेणा हल्ला
- ॲडलेड स्ट्रायकर्सला मोठा धक्का; सोफी एक्लेस्टोन दुखापतीमुळे WBBL 2026 मधून बाहेर







