प्रतिनिधी, 17 ऑक्टोबर: आयपीएल २०२७ च्या हंगामापूर्वी मुंबई इंडियन्सचे मुख्य प्रशिक्षक महेला जयवर्धने यांनी आपल्या पदावरून पायउतार होण्याचा निर्णय घेतला आहे. शनिवारी, १७ ऑक्टोबर रोजी फ्रँचायझीने ही घोषणा केली. या महत्त्वपूर्ण बदलानंतर मुंबई इंडियन्सने नव्या मुख्य प्रशिक्षकपदासाठी काही मोठ्या नावांची शॉर्टलिस्ट तयार केल्याची माहितीही समोर आली आहे.
महेला जयवर्धने यांचा मुंबई इंडियन्ससोबतचा प्रवास तब्बल एका दशकाचा राहिला. त्यांच्या मार्गदर्शनाखाली संघाने तीन वेळा आयपीएलच्या जेतेपदावर नाव कोरले. त्यांनी २०१७ ते २०२२ या काळात पहिल्यांदा मुख्य प्रशिक्षकपदाची जबाबदारी सांभाळली होती. त्यानंतर २०२४ ते २०२६ या कालावधीत ते पुन्हा या पदावर रुजू झाले होते.
मुंबई इंडियन्सच्या संघात भक्कम संस्कृती आणि ड्रेसिंग रूममध्ये सकारात्मक वातावरण निर्माण करण्यात जयवर्धने यांनी महत्त्वाची भूमिका बजावली. शिस्त, सांघिक खेळ, परस्पर सहकार्य आणि संघाला कायम प्राधान्य देण्याच्या त्यांच्या दृष्टिकोनामुळेच फ्रँचायझीला आयपीएलमध्ये हे मोठे यश मिळवता आले.
या निर्णयानंतर मुंबई इंडियन्सने समाजमाध्यमांवरून जयवर्धने यांना भावनिक निरोप दिला. 'महेला हे मुंबई इंडियन्ससाठी केवळ एका मुख्य प्रशिक्षकापेक्षा खूप मोठे होते. त्यांच्या नेतृत्वात संघाने तीन आयपीएल विजेतेपदे जिंकली,' अशा शब्दांत फ्रँचायझीने त्यांच्या योगदानाचे कौतुक केले.
दरम्यान, या घडामोडींसोबतच न्यूझीलंड दौऱ्यापूर्वी प्रसिद्ध कृष्णा आणि हर्षित राणा हे गोलंदाज मॅच सिम्युलेशनमध्ये (सामन्याचा सराव) सहभागी होणार असल्याची माहितीही समोर आली आहे.
📌 महत्वाच्या बातम्या
- अटकेनंतर अभिजीत दिपकेंना रामदास आठवलेंची पुन्हा मोठी ऑफर; थेट RPI मध्ये येण्याचे निमंत्रण
- संजू सॅमसनला डावलून भारतीय संघात संधी मिळालेला कुमार कुशाग्र कोण आहे?
- संघाच्या विजयादशमी सोहळ्याला इस्रायलचे महावाणिज्यदूत आणि माजी उपराष्ट्रपती जगदीप धनखड राहणार उपस्थित
Quick Answers
आयपीएल २०२७ पूर्वी मुंबई इंडियन्सचे मुख्य प्रशिक्षक महेला जयवर्धने यांनी पदावरून पायउतार होण्याचा निर्णय घेतला आहे.
महेला जयवर्धने यांच्या मार्गदर्शनाखाली मुंबई इंडियन्स संघाने तीन वेळा आयपीएलच्या जेतेपदावर नाव कोरले.
त्यांनी २०१७ ते २०२२ या काळात पहिल्यांदा मुख्य प्रशिक्षकपदाची जबाबदारी सांभाळली आणि त्यानंतर २०२४ ते २०२६ या कालावधीत ते पुन्हा या पदावर रुजू झाले होते.
न्यूझीलंड दौऱ्यापूर्वी प्रसिद्ध कृष्णा आणि हर्षित राणा हे गोलंदाज मॅच सिम्युलेशनमध्ये (सामन्याचा सराव) सहभागी होणार आहेत.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
