🕒 1 min read
राजकारणात नेहमी दुसऱ्यांवर तोफ डागणाऱ्या नेत्याच्या घरातच जेव्हा अघोरी प्रकारांचे आरोप होतात, तेव्हा धक्का बसणे साहजिकच आहे. ठाकरे गटाचे ज्येष्ठ नेते आणि माजी खासदार विनायक राऊत (Vinayak Raut) यांच्या घरात असाच एक धक्कादायक प्रकार उघडकीस आला असून, त्यांच्याच सुनेने सासरच्यांविरुद्ध थेट पोलिसांत धाव घेतली आहे.
विनायक राऊत, त्यांचा मुलगा गितेश राऊत (Gitesh Raut) (मुंबई महानगरपालिकेतील माजी नगरसेवक) आणि संपूर्ण कुटुंबाविरोधात ठाण्यातील कापूरबावडी पोलीस ठाण्यात गुन्हा दाखल करण्यात आला आहे.
Vinayak Raut News
सून गिरीजा राऊत यांनी दिलेल्या तक्रारीनुसार, हा गुन्हा केवळ कौटुंबिक हिंसाचाराचा नाही, तर थेट ‘जादूटोणा विरोधी कायद्यांतर्गत’ नोंदवण्यात आला आहे. त्यामुळे राजकीय वर्तुळात एकच खळबळ उडाली आहे.
गिरीजा राऊत यांनी पोलिसांत दिलेली माहिती अंगावर काटा आणणारी आहे. सासरच्यांनी आपला अमानुष छळ केला, घरात बळजबरीने गोमूत्र पाजले, इतकेच नाही तर अत्यंत क्रूरपणे डोक्यावरील केसही कापले, असा गंभीर आरोप त्यांनी केला आहे. या जादूटोण्याच्या प्रकारात फिरोज बाबा आणि काजी बाबा या दोघांवरही गुन्हा दाखल झाला आहे.
राजकीय कार्यक्रमांमध्ये अडचण नको म्हणून सासरे विनायक राऊत आणि सासू शामल राऊत यांच्या सांगण्यावरून मासिक पाळी पुढे ढकलण्याच्या गोळ्या खाण्यासाठी माझ्यावर दबाव टाकला जायचा, असा मोठा गौप्यस्फोटही गिरीजा यांनी केला.
पती गितेश हा पाळीच्या तारखांची नोंद ठेवून विकृतपणे वागायचा. दर महिन्याला पाळी लांबवल्यामुळे आरोग्यावर गंभीर परिणाम होत असल्याचे त्यांनी तक्रारीत म्हटले आहे.
सूत्रांच्या माहितीनुसार, डॉक्टरांकडे तपासणीसाठी जाताना ‘आमचे संबंध सुरळीत असून आम्ही बेबी प्लॅन करत आहोत’ असेच सांगण्याची धमकी पतीकडून दिली जायची.
वांद्रे येथील एका महिला डॉक्टरांनी या गोळ्या थांबवण्याचा सल्ला दिल्यावर गितेशने शिवीगाळ करत दमदाटी केल्याचेही समोर आले आहे. आता या खळबळजनक आरोपांवर विनायक राऊत किंवा ठाकरे गटाकडून काय स्पष्टीकरण येते, याकडे सर्वांचे लक्ष लागले आहे.
📌 महत्वाच्या बातम्या
- एकनाथ शिंदेंची मोठी घोषणा, राज्याच्या तिजोरीवर पहिला हक्क कुणाचा? ठाकरेंवरही डागली तोफ
- हवामान विभागाचा महाराष्ट्राला गंभीर इशारा, पुढील २४ तासांत ‘या’ भागात कोसळणार मुसळधार पाऊस
- हातात बाळ, अंगात ‘तो’ टी-शर्ट! सूर्यकुमार यादवच्या पत्नीने शेअर केला फोटो, टी-शर्टवरील शब्दांमुळे सोशल मीडियावर मोठी खळबळ!
बातम्यांसाठी YouTube चॅनेल Subscribe करा
Subscribe Now
