🕒 1 min read
भारतीय क्रिकेट संघाचा धडाकेबाज फलंदाज सूर्यकुमार यादव (Suryakumar Yadav) सध्या टीम इंडियाच्या बाहेर आहे. पण अचानक त्याच्या एका फोटोमुळे क्रिकेट वर्तुळात जोरदार चर्चा सुरू झाली आहे. हा फोटो पाहिल्यानंतर, सूर्याने संघ व्यवस्थापनाला थेट आव्हान तर दिलं नाही ना, असा प्रश्न चाहत्यांना पडलाय.
झालं असं की, सूर्याची पत्नी देविशा शेट्टी (Devisha Shetty) हिने इन्स्टाग्रामवर एक फॅमिली फोटो शेअर केला. यात सूर्या एका लहान बाळासोबत निवांत वेळ घालवताना दिसतोय. पण सगळ्यांच्या नजरा खिळल्या त्या त्याच्या अंगातल्या काळ्या टी-शर्टवर.
Suryakumar Yadav News
या टी-शर्टवर इंग्रजीत ‘कॅप्टन’ आणि ‘लीडर’ असे दोन शब्द छापले आहेत. विशेष म्हणजे ‘कॅप्टन’ शब्दावर आडवी रेष मारून तो खोडून काढलाय आणि त्याखालील ‘लीडर’ हा शब्द ठळकपणे दिसतोय. हा फोटो व्हायरल होताच सोशल मीडियावर तर्कवितर्कांना उधाण आलं आहे. एकेकाळी भारताचा टी-20 कर्णधार असलेला सूर्यकुमार सध्या संघातून पूर्णपणे बाहेर आहे.
निवड समितीने त्याला अचानक डावलल्याने अनेक चाहत्यांना आधीच मोठा धक्का बसला होता. अशातच हा टी-शर्ट समोर आल्याने, ‘कर्णधारपद हिरावून घेतलं तरी माझ्यातला लीडर कायम आहे’, असा अप्रत्यक्ष टोला तर त्याने लगावला नाही ना? अशी शंका चाहते व्यक्त करत आहेत.
सध्याच्या संघ निवडीच्या पार्श्वभूमीवर या पोस्टची टायमिंग खूपच सूचक मानली जात आहे. काहींच्या मते हा फक्त एक कॅज्युअल टी-शर्ट असू शकतो आणि त्याचा कोणताही वेगळा अर्थ काढू नये. पण सध्या सूर्याच्या आंतरराष्ट्रीय करिअरवरच प्रश्नचिन्ह उभं राहिल्याने, या एका फोटोने आगीत तेल ओतण्याचं काम नक्कीच केलंय.
दुसरीकडे, या सर्व चर्चा केवळ सोशल मीडियापुरत्या मर्यादित आहेत. या संपूर्ण प्रकरणावर सूर्यकुमार यादव किंवा देविशा शेट्टी यांच्याकडून कोणतीही अधिकृत प्रतिक्रिया आलेली नाही. तरीही, टी-20 मधील या यशस्वी फलंदाजाच्या संघात परतण्याची चाहते आतुरतेने वाट पाहत आहेत.
📌 महत्वाच्या बातम्या
- माझं आणि त्याचं नातं खूप आधीपासून..! रिंकू राजगुरूच्या ‘त्या’ व्हायरल फोटोंमागचं रहस्य अखेर उलगडलं!
- रोहित पवारांचा सरकारला गंभीर इशारा, शेतकरी कर्जमाफी ऑगस्टपर्यंत रखडणार? मुख्य कारण आलं समोर
- साताऱ्यात शेतकऱ्याने रस्त्यावर ओतलं शेकडो लिटर दूध; तुकाराम मुंढेंचा धसका की नेमकं घडलंय काय?
बातम्यांसाठी YouTube चॅनेल Subscribe करा
Subscribe Now
