🕒 1 min read
ठाणे – तुम्ही बाहेरून आणलेले खाद्यपदार्थ खरंच खाण्यायोग्य असतात का? ठाण्यातील नौपाड्यात घडलेल्या एका संतापजनक प्रकाराने हा प्रश्न पुन्हा उपस्थित झाला आहे.
शिवानंद इमारतीमध्ये असलेल्या एका प्रसिद्ध आउटलेटवर अन्न व औषध प्रशासनाने नुकताच छापा टाकला. एफडीए आयुक्त तुकाराम मुंढे यांच्या मार्गदर्शनाखाली ही धडक मोहीम राबवण्यात आली.
Tukaram Mundhe FDA Action in Thane
या कारवाईत अधिकाऱ्यांना मोठ्या प्रमाणावर सडलेले दुग्धजन्य पदार्थ आणि ब्रेड आढळून आले. हे अन्नपदार्थ सडल्यामुळे संपूर्ण परिसरात प्रचंड दुर्गंधी पसरली होती. असह्य दुर्गंधीमुळे स्थानिक नागरिकांचे आरोग्य धोक्यात आले होते. त्यामुळे संतापलेल्या नागरिकांनी भाजप नगरसेवक संजय वाघुले यांच्याकडे या संदर्भात तक्रार केली.
नगरसेवक वाघुले आणि शिवसेनेचे पदाधिकारी किरण नाकती यांनी तातडीने घटनास्थळी जाऊन परिस्थितीची पाहणी केली. आउटलेटमधील घाणेरडी अवस्था पाहून त्यांनी एफडीएकडे कठोर कारवाईची मागणी केली.
सूत्रांनी दिलेल्या माहितीनुसार, या तक्रारीची दखल घेत एफडीएची यंत्रणा तात्काळ कामाला लागली. तपासणी दरम्यान साठवणूक आणि स्वच्छतेच्या बाबतीत अनेक धक्कादायक त्रुटी समोर आल्या.
मानवी आरोग्याला घातक असलेले हे सर्व सडलेले पदार्थ अधिकाऱ्यांनी जप्त केले आहेत. तसेच नागरिकांच्या आरोग्याशी खेळणाऱ्या या आउटलेटला टाळे ठोकण्याची कायदेशीर प्रक्रिया सुरू करण्यात आली आहे.
नियमांचे उल्लंघन करणाऱ्यांवर कोणतीही गय न करता फौजदारी कारवाई केली जाईल, असे प्रशासनाने स्पष्ट केले आहे. या धडक कारवाईमुळे नौपाड्यातील रहिवाशांनी मोठा सुटकेचा श्वास टाकला आहे.
📌 महत्वाच्या बातम्या
- महाराष्ट्राला खरंच नवा मुख्यमंत्री मिळणार? राऊतांच्या दाव्यावर बावनकुळेंनी दिलं थेट उत्तर
- पाकिस्तानचे दोन तुकडे होणार? 15 जुलैला पाकच्या संसदभवनातून होणार सर्वात मोठी घोषणा
- ‘…तर तुम्हाला जनतेसमोर उघडे पाडू!’ सर्वोच्च न्यायालय महाराष्ट्र सरकारवर भडकलं
बातम्यांसाठी YouTube चॅनेल Subscribe करा
Subscribe Now
