सुषमा अंधारेंना सुशांत शेलारांचा धोबीपछाड; ‘मान अशी-तशी केल्याने…’ म्हणत थेट डिवचलं!

🕒 1 min read

राजकारणात कधी कुठे ठिणगी पडेल आणि कुणाचा कुणाशी सामना होईल सांगता येत नाही, याचा प्रत्यय पुन्हा एकदा आलाय. सध्या राज्यात विधान परिषदेची रणधुमाळी सुरू असतानाच, दुसरीकडे अखिल भारतीय मराठी चित्रपट महामंडळाच्या निवडणुकीतही (Chitrapat Mahamandal Election) राजकारण चांगलंच तापलं आहे.

ज्येष्ठ अभिनेते विजय पाटकर यांना उमेदवारी अर्ज भरण्यापासून रोखल्याचा आणि मंत्र्यांचा दबाव असल्याचा आरोप नुकताच झाला होता. यावरून ठाकरे गटाच्या उपनेत्या सुषमा अंधारे यांनी सत्ताधाऱ्यांवर निशाणा साधत कलाक्षेत्र बळकावत असल्याची टीका केली.

Sushant Shelar on Sushma Andhare

पण आता या वादात अभिनेता आणि शिवसेना नेते सुशांत शेलार यांनी उडी घेतली असून, थेट अंधारेंनाच डिवचल्याने मोठी खळबळ उडाली आहे. सुषमा अंधारेंनी केलेल्या टीकेला उत्तर देताना शेलार यांनी चांगलाच पलटवार केला. नीलम शिर्के या अभिनेत्री असल्याने त्यांना निवडणूक लढवण्याचा पूर्ण अधिकार असल्याचे त्यांनी स्पष्ट केले.

तसेच अंधारेंना लक्ष्य करत, “मग तुम्ही अभिनेत्री व्हा आणि तुम्हीसुद्धा उमेदवारी अर्ज भरा. केवळ मान अशी आणि तशी केल्यामुळे आपण स्वतःला अभिनेत्री समजता का?” असा बोचरा सवाल शेलार यांनी विचारला.

इतकंच नाही तर सुशांत शेलार यांनी विजय पाटकरांवरही भ्रष्टाचाराचा मोठा गौप्यस्फोट केला आहे. न्यायालयाच्या आदेशानेच पाटकरांचे संचालकपद रद्द झाल्याचे सांगत, त्यांच्या कार्यकाळात ‘मानाचा मुजरा’ कार्यक्रमात आर्थिक अनियमितता झाल्याचा गंभीर आरोप शेलारांनी केला.

“१५ ते १६ लाखांत होणारा कार्यक्रम तब्बल ५७ लाख रुपयांत करण्यात आला. तसेच ऑडिटमध्ये १० लाख ७८ हजार रुपयांचा मोठा फरक आढळला,” असा धक्कादायक दावा शेलार यांनी केला आहे.

पाटकरांचे आरोप खोटे असून त्यांनी असल्या अफवा पसरवू नयेत, असा थेट इशाराही सुशांत शेलार यांनी दिला आहे. यामुळे आता महामंडळाच्या निवडणुकीत आरोप-प्रत्यारोपांच्या फैरी आणखी झडण्याची शक्यता आहे.

📌 महत्वाच्या बातम्या

• चांदी 5 लाख, तर सोने 3 लाखांच्या पुढे जाणार; रॉबर्ट कियोसाकींची सोन्या-चांदीबाबत धक्कादायक भविष्यवाणी
• कपिल शर्माच्या घरावर गोळीबार? व्हायरल व्हिडीओनंतर खळबळ, पोलिसांच्या खुलाशामुळे मोठा ट्विस्ट!
• पेट्रोल-डिझेल पुन्हा वाढलं, शेतकऱ्यांच्या मध्यरात्री रांगा; वाढत्या दरावर प्रवीण तरडेंची प्रतिक्रिया, म्हणाले..

📈 लोकप्रिय बातम्या

राज्य निवडणूक आयोगाचा मोठा निर्णय; राज्यातील १५,६३६ ग्रामपंचायतींमध्ये राजकीय भूकंप होणार?

उदय सामंत यांच्या पत्नीची मोठी माघार; निवडणुकीत अचानक ‘हा’ मोठा ट्विस्ट!

छगन भुजबळांचा मोठा गौप्यस्फोट, राष्ट्रवादीच्या बैठकीत स्वबळाचा नारा अन् धक्कादायक माहिती!