प्रतिनिधी, 17 नोव्हेंबर: शिवसेनेच्या कायदेशीर लढाईत जनतेचा कौल एकनाथ शिंदे यांच्या नेतृत्वाखालील गटाच्याच बाजूने असल्याचे मत नरेश म्हस्के यांनी व्यक्त केले आहे. राज्यातील स्थानिक स्वराज्य संस्था, तसेच विधानसभा आणि लोकसभा निवडणुकांमध्ये मिळालेल्या यशामुळे जनतेने आपला निकाल दिला असल्याचे त्यांनी म्हटले आहे.
लोकशाहीमध्ये जनतेच्या मताला सर्वाधिक महत्त्व असते. त्यामुळे जनमताचा कौल पाहता या वादाचा न्यायालयीन निकालही शिंदे गटाच्याच बाजूने लागेल, असा विश्वास म्हस्के यांनी व्यक्त केला. निवडणुकांमधील विजयांमुळेच बाळासाहेबांची खरी शिवसेना आणि शिवसैनिक नेमके कोणासोबत आहेत, हे स्पष्ट झाल्याचे ते म्हणाले.
यावेळी त्यांनी उद्धव ठाकरे गटातील नेत्यांवर जोरदार निशाणा साधला. ठाकरे गटाचे नेते संजय राऊत हे राज्यसभेसाठी काँग्रेसमध्ये प्रवेश करू शकतात, असा अंदाज म्हस्के यांनी वर्तवला आहे. तसेच, आगामी काळात ठाकरे गटात केवळ उद्धव ठाकरे आणि आदित्य ठाकरे हे दोघेच शिल्लक राहतील, अशी टीकाही त्यांनी केली.
याशिवाय आदित्य ठाकरे यांनाही त्यांनी लक्ष्य केले. महिला आरक्षण आणि मतदारसंघ पुनर्रचना (डिलिमिटेशन) यांसारख्या विषयांवर आदित्य ठाकरे यांनी अधिक अभ्यास करण्याची गरज असल्याचे म्हस्के यांनी सुचवले आहे.
📌 महत्वाच्या बातम्या
- चाकणकरांच्या सांगण्यावरून तेजस्वी सातपुतेंनी खोटे गुन्हे दाखल केले; रुपाली ठोंबरेंचा गंभीर आरोप
- आईचा विनयभंग केल्याचा राग, दौंडमध्ये तरुणाची धारदार शस्त्राने हत्या; दोघांना अटक
- रत्नागिरीत ACB ची मोठी कारवाई; पोर्ट क्लिअरन्सच्या लाचेप्रकरणी मेरीटाईम बोर्डाच्या ‘क्लास वन’ अधिकाऱ्याला बेड्या








