🕒 1 min read
मराठी सिनेसृष्टीत कधी कोणता धक्का बसेल सांगता येत नाही, याचाच प्रत्यय आता पुन्हा एकदा आलाय. तब्बल ११ वर्षांनी प्रवीण तरडे यांचा बहुचर्चित ‘देऊळ बंद २’ थिएटरमध्ये धडकला आणि बॉक्स ऑफिसवर चांगलाच गाजावाजा करतोय.
पण या चित्रपटाच्या शेवटी प्रेक्षकांना एक असं सरप्राईज मिळालंय, ज्याने संपूर्ण महाराष्ट्रात एकच खळबळ उडवून दिली आहे. २०१५ मध्ये ‘देऊळ बंद’मधून राघव शास्त्री म्हणून घराघरात पोहोचलेला अभिनेता गश्मीर महाजनी (Gashmeer Mahajani) आता थेट अमेरिकेत पोहोचलाय.
Deool Band 3 Announced
सध्या सोशल मीडियावर चित्रपटातील एका सीनची क्लिप तुफान व्हायरल होत आहे. यात अमेरिकेत असलेल्या राघवला चक्क स्वामी समर्थांचा फोन येतो. फोन उचलताच स्वामी म्हणतात, “मी अक्कलकोटहून स्वामी समर्थ बोलतोय, तुला मी आठवतोय का?” हे ऐकून राघव अवाक् होतो आणि त्याच्या तोंडून ‘ओह माय गॉड’ असे उद्गार निघतात.
त्यावर स्वामी त्याला, “येस माय डार्लिंग, आय एम युअर गॉडच. काय म्हणतेय तुझी अमेरिका, काय म्हणतोय तुझा डोनाल्ड ट्रम्प?” असा भन्नाट सवाल करतात. या एकाच डायलॉगवर थिएटरमध्ये अक्षरशः शिट्ट्या आणि टाळ्यांचा कडकडाट होत आहे.
गश्मीरच्या याच धमाकेदार एन्ट्रीसोबत आता अधिकृतपणे ‘देऊळ बंद ३’ (Deool Band 3) ची मोठी घोषणा करण्यात आली आहे. नुकत्याच प्रदर्शित झालेल्या ‘देऊळ बंद २’ ची धुरा दिग्दर्शक प्रवीण तरडेंनी स्वतःच्या खांद्यावर पेलली आहे.
यात त्यांच्या पत्नी स्नेहल तरडे मुख्य भूमिकेत असून, ज्येष्ठ अभिनेते मोहन जोशी यांनी पुन्हा एकदा स्वामींच्या भूमिकेत जीव ओतला आहे. या भागात शेतकरी आत्महत्या आणि त्यांच्यावरील आर्थिक संकटासारखे ज्वलंत प्रश्न अतिशय प्रभावीपणे मांडण्यात आले आहेत. आता तिसऱ्या भागात राघव शास्त्री आणि स्वामींची ही जुगलबंदी आणखी काय कमाल करणार, याकडे सर्वांचं लक्ष लागून आहे.
📌 महत्वाच्या बातम्या
- कंगना राणौतचं गुपचूप लग्न? गळ्यात मंगळसूत्र अन् हातात हिरव्या बांगड्या; व्हिडीओ होतोय व्हायरल
- मोदी-मेलोनी यांच्यातली ‘ती’ गोष्ट सोनाक्षी-झहीरच्या घरात; कॅमेऱ्यासमोर अचानक खिशातून काढली अन्…
- अंशुमन विचारेची मोठी झेप; मुंबईत तिसरं घर घेतल्यानंतर आता दारात आली ‘ही’ लक्झरी कार!
बातम्यांसाठी YouTube चॅनेल Subscribe करा
Subscribe Now
