तुम्ही जर आज सोनं-चांदी खरेदी करायला जात असाल, तर तुमच्या खिशाला मोठी कात्री लागणार आहे. शेअर मार्केट असो वा सराफा बाजार, इथे कधी काय होईल याचा नेम नाही, याचा प्रत्यय पुन्हा एकदा आलाय. मागील तीन-चार दिवसांपासून दिलासादायक घसरण पाहायला मिळत असतानाच, अचानक सोन्या-चांदीच्या दराने (Gold Rate Today) मोठी उडी घेतली आहे. अमेरिकेचे राष्ट्राध्यक्ष डोनाल्ड ट्रम्प यांनी भारतावरील आयात कर (Import Tax) कमी करण्याची घोषणा करताच, भारतीय सराफा बाजारात मोठी ‘खळबळ’ उडाली आहे.
गेल्या २४ तासांत सोन्या-चांदीच्या दरात (Gold Silver Rates) मोठे बदल झाले आहेत. काल १ लाख ५३ हजार ८२० रुपयांवर असणारे २४ कॅरेट सोने आज थेट १ लाख ५९ हजार ६५० रुपये प्रति दहा ग्रॅमवर पोहोचले आहे. म्हणजेच, एका दिवसात सोन्याच्या दरात तब्बल ५,८२० रुपयांची वाढ झाली आहे. सोन्यापेक्षा चांदीचा भाव जास्त कडाडला आहे. २४ तासांत चांदीच्या दरात १०,२८० रुपयांची वाढ झाली असून, आजचा दर २ लाख ७८ हजार १७० रुपये प्रति किलो झाला आहे.
Gold Rate Today
काही दिवसांपूर्वी १ लाख ८० हजारांवर गेलेलं सोनं १ लाख ४५ हजारांपर्यंत खाली आलं होतं, त्यामुळे ग्राहकांमध्ये आनंदाचे वातावरण होते. मात्र, जागतिक पातळीवर डॉलरवरील विश्वास कमी झाल्याने आणि ट्रम्प यांच्या निर्णयामुळे गुंतवणूकदार पुन्हा सोन्याकडे वळले आहेत. यामुळे जळगावच्या (Jalgaon Gold Market) सुवर्ण बाजारातही दरांमध्ये अस्थिरता दिसून येत आहे. “पुढील काळात हे दर पुन्हा विक्रमी उच्चांक गाठू शकतात,” असा अंदाज सुवर्ण व्यावसायिकांनी व्यक्त केला आहे. त्यामुळे सध्या कमी झालेल्या दराचा फायदा घेण्यासाठी जळगावच्या सराफा बाजारात ग्राहकांची एकच गर्दी होत आहे.
📌 महत्वाच्या बातम्या
- ‘लाडकी बहीण’ योजनेचं नाव बदलणार? अजितदादांच्या नावाची मागणी होताच फडणवीसांनी स्पष्टच सांगितलं!
- संसदेच्या पायऱ्यांवर पुन्हा जुळली ‘केमिस्ट्री’; संसदेत एकत्र दिसले कंगना रनौत-चिराग पासवान
- लाडक्या बहिणींची दिवाळी! आता थेट ४५०० रुपये खात्यात जमा होणार; सरकारचा मोठा निर्णय
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
