“देवेंद्र फडणवीस महाराष्ट्राचे मालक..”; शिंदेंच्या नेत्याला सुनावताना भाजप नेत्याची जीभ घसरली!

छत्रपती संभाजीनगर- लोकशाहीत जनता जनार्दन ‘मालक’ असते आणि लोकप्रतिनिधी हे ‘सेवक’ असतात, याचा विसर सत्तेतील नेत्यांना पडलाय की काय? असा प्रश्न पडण्यासारखं एक वादग्रस्त वक्तव्य भाजपच्या नेत्याने केलं आहे. मित्रपक्षाच्या पालकमंत्र्यांवर टीका करण्याच्या नादात भाजप नेते संजय केनेकर (Sanjay Kenekar) यांची जीभ घसरली असून, त्यांनी चक्क “देवेंद्र फडणवीस या महाराष्ट्राचे मालक (Owner) आहेत,” असा अजब दावा भर सभेत केला आहे.

Sanjay Kenekar Controversial Statement on Devendra Fadnavis

संभाजीनगरमध्ये महायुतीच्या अंतर्गत कलहाचा भडका उडाला आहे. भाजप नेते संजय केनेकर यांनी शिंदे गटाचे नेते आणि पालकमंत्री संजय शिरसाट (Sanjay Shirsat) यांच्यावर अक्षरशः आगपाखड केली. शिरसाट यांनी बांधलेलं ‘व्हाईट हाऊस’ आणि घराणेशाहीवर टीका करताना केनेकरांचा तोल सुटला. शिरसाटांना उद्देशून ते म्हणाले, “तुम्ही तरी छत्रपती संभाजीनगरचे पालक आहात, पण आम्ही महाराष्ट्राचे मालक आहोत… देवेंद्रजी फडणवीस या महाराष्ट्राचे मालक आहेत.”

केनेकरांच्या या विधानाने राजकीय वर्तुळात भुवया उंचावल्या आहेत. एकीकडे महायुतीत एकनाथ शिंदे उपमुख्यमंत्री आहेत, अजित पवार सोबत आहेत, पण केनेकरांनी थेट फडणवीसांनाच राज्याचे ‘मालक’ घोषित करून टाकल्याने मित्रपक्षांची काय अवस्था आहे, हे त्यांनी अप्रत्यक्षपणे बोलून दाखवलं असल्याची चर्चा आहे. “तुम्ही कमळाच्या पिचवर खेळताय हे विसरू नका,” अशी तंबीही त्यांनी शिरसाटांना दिली.

एकीकडे शिवसैनिकांच्या त्यागाचा उल्लेख करायचा आणि दुसरीकडे स्वतःच्याच नेत्याला लोकशाही राज्याचे ‘मालक’ म्हणायचं, या दुटप्पी भूमिकेवरून आता विरोधक भाजपला घेरण्याची शक्यता आहे. संजय केनेकरांच्या या “मालकी हक्काच्या” भाषणाची क्लिप सध्या सोशल मीडियावर तुफान व्हायरल होत असून, नेटकरी भाजपच्या या ‘मस्ती’वर सडकून टीका करत आहेत.

📌 महत्वाच्या बातम्या

• “महाराष्ट्रात निवडणुका, पण गाड्या परप्रांतीय?”; भाजपच्या ‘त्या’ गाड्या पाहून संताप, भाडं ऐकून डोळे फिरतील!
• “शिंदे जिगरी, अजितदादा जवळचे, पण उद्धव ठाकरे…”; फडणवीसांनी लावली मित्रांची ‘रँकिंग’, ठाकरेंबद्दल मोठं विधान!
• Ind vs NZ: ‘तो स्वतःवरच चिडला असेल…’; श्रेयस अय्यरच्या ‘त्या’ खेळीवर अजिंक्य रहाणेचं मोठं विधान!