प्रतिनिधी, 31 ऑक्टोबर: विधान परिषद निवडणुकीचे निकाल जाहीर झाल्यापासून महायुतीत अंतर्गत संघर्ष उफाळून आला आहे. एकनाथ शिंदे यांच्या नेतृत्वाखालील शिवसेना आणि भाजपमध्ये आरोप-प्रत्यारोपांची लढाई सुरू झाली असून, भाजप प्रवक्ते नवनाथ बन आणि शिंदे सेना असा हा शाब्दिक सामना रंगला आहे. आधी निलेश राणे यांनी बन यांची लायकी काढल्यानंतर, आता पुणे शिवसेना नेते रवींद्र धंगेकर (Ravindra Dhangekar) यांनी नवनाथ बन यांच्याविषयी एक अत्यंत खालच्या पातळीवर जाणारी वादग्रस्त पोस्ट केली आहे.
रवींद्र धंगेकर यांनी आपल्या सोशल मीडिया पोस्टमध्ये एका कार्टूनचा वापर केला आहे. या चित्राच्या पार्श्वभूमीवर भाजपचे कार्यालय आणि कमळ हे चिन्ह दिसत असून, एक नेता दारात कुत्र्याला पाव खाऊ घालत असल्याचे यात दाखवले आहे. या चित्रासोबत धंगेकरांनी, “ही याची लायकी आणि चालला धंगेकरांशी पंगा घ्यायला चालला….!!” असा उल्लेख केला आहे.
या पोस्टमध्ये पुढे थेट इशारा देताना धंगेकरांनी लिहिले आहे की, “अरे बेट्या तुझे मालक लोक पण वाकड्यात जात नाही आमच्या, कधी तुझी नसबंदी होईल कळणार सुद्धा नाही तुला.” तसेच या मजकुरासोबत त्यांनी #बनश्वान, #चिल्ला_पुकार आणि #Paid_Animal या हॅशटॅगचाही वापर केला आहे.
तत्पूर्वी, आज सकाळीच भाजप प्रवक्ते नवनाथ बन यांनी धंगेकरांवर जोरदार टीका केली होती. “देवेंद्रजींवर टीका करण्याआधी आत्मपरीक्षण करावे. बारा पक्ष फिरून आलेल्या माकड छापावर मी नाही, पुष्कर तुळजापूरकर बोलतील,” असे बन म्हणाले होते. तसेच, स्वतःला डायनासोर म्हटले जात असल्याचा संदर्भ देत, तो एक बलवान प्राणी असल्याचे त्यांनी नमूद केले. फडणवीसांवर टीका करण्याची धंगेकरांची लायकी नसून, देवा भाऊंकडे बोट दाखवल्यास तसेच उत्तर मिळेल, असा इशारा त्यांनी दिला होता.
एकनाथ शिंदे यांना उद्देशून नवनाथ बन यांनी विनंती केली की, जर तुमची लोकं अशी टीका करत असतील, तर आम्हीही तसेच उत्तर देऊ. महाराष्ट्रात फिरू न देण्याच्या धंगेकरांच्या धमकीचा समाचार घेताना ते म्हणाले, “धमकी कोणाला देता, महाराष्ट्राचा सातबारा तुमच्या बापाचा आहे का? भविष्यात काय होईल हे नक्कीच सांगता येणार नाही.”
📌 महत्वाच्या बातम्या
- ‘रोहित पवार लबाड लांडगा, राजकारणातला कलंक’, भाजप आमदारांची सडकून टीका
- हार्दिक पांड्याची खुर्ची धोक्यात; आयपीएल २०२७ साठी रोहित शर्मा आणि तिलक वर्मा कर्णधारपदाच्या शर्यतीत
- ठाकरेंसोबत बंद दाराआड काय चर्चा झाली? देवेंद्र फडणवीसांनी केला मोठा खुलासा
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
