Manoj Jarange | नवी मुंबई: मनोज जरांगे यांनी गेल्या महिन्यात मराठा आरक्षणासाठी जालना जिल्ह्यामध्ये उपोषण सुरू केलं होतं. मुख्यमंत्री एकनाथ शिंदे यांनी केलेल्या विनंतीनंतर त्यांनी आपलं उपोषण मागे घेतलं.
त्यांनी उपोषण मागे घेतलं असलं तरी त्यांचं आंदोलन सुरूच आहे. मराठा आरक्षणासाठी आंदोलन सुरू असताना आंदोलन करणाऱ्या एका तरुणाने काल गळफास घेऊन आत्महत्या केली आहे.
या घटनेवर प्रतिक्रिया देत असताना मनोज जरांगे यांनी राज्य सरकारवर खोचक शब्दात टीका केली आहे. मराठा तरुणाने केलेली आत्महत्या, हे सरकारचं पाप असल्याचं मनोज जरांगे यांनी म्हटलं आहे.
मनोज जरांगे (Manoj Jarange) म्हणाले, “आमच्या सुनील कावळे या तरुणाने केलेली आत्महत्या हे राज्य शासनाचं पाप आहे. आमच्या मराठा बांधवांचं हे बलिदान आम्ही वाया जाऊ देणार नाही.
मराठा आरक्षणावर निर्णय घेण्यासाठी आम्ही राज्य सरकारला 40 दिवसाचा वेळ दिला होता. 24 ऑक्टोबर 2023 रोजी ही मुदत संपणार आहे. तोपर्यंत सरकारने जर आरक्षणाबाबत निर्णय घेतला नाही तर पुढील आंदोलन सरकारला झेपणार नाही.”
Within a month, the government has received evidence – Manoj Jarange
“मराठा समाजाला आरक्षण देण्यासाठी राज्य शासनाला पुरावे हवे होते. एका महिन्यामध्ये सरकारला पुरावे मिळाले आहे. कायद्यामध्ये बदल करून मराठा समाजाला आरक्षण मिळायला हवं.
शासनाने दुसऱ्यांना आरक्षण देताना कोणत्याही प्रकारचे पुरावे मागितले नाही. परंतु, आता आमच्याकडे 5000 पुरावे आहेत. त्यामुळे सरकारला आम्हाला आरक्षण घ्यावं लागणार आहे.
24 तारखेपर्यंत आम्हाला आरक्षण पाहिजे, विनाकारण ढकलाढकली करू नका”, असं देखील मनोज जरांगे (Manoj Jarange) यांनी म्हटलं आहे.
महत्वाच्या बातम्या
- Govt Job Opportunity | केंद्र सरकारच्या ‘या’ विभागात नोकरीची संधी! जाणून घ्या सविस्तर
- Devendra Fadnavis | नशा करणारे असे बेताल वक्तव्य करतात; संजय राऊतांनी फडणवीसांवर केलेल्या टीकेला भाजप नेत्याचं उत्तर
- Manoj Jarange | आरक्षण मिळाल्याशिवाय सरकारला सुट्टी नाही – मनोज जरांगे
- Sanjay Raut | देवेंद्र फडणवीसांची मती थोडी गुंग झाली – संजय राऊत
- Uddhav Thackeray | महाराष्ट्रात सरकार आहे की नाही? ठाकरे गटाचा खोचक सवाल
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
