Nitesh Rane | उद्धव ठाकरे आणि संजय राऊत पाकिस्तानी एजंट असल्याचा संशय – नितेश राणे

Nitesh Rane | टीम महाराष्ट्र देशा: येत्या काही महिन्यांमध्ये अयोध्येतील राम मंदिराचं उद्घाटन होणार आहे. राम मंदिर उद्घाटन सोहळ्याच्या पार्श्वभूमीवर ठाकरे गटाचे खासदार संजय राऊत (Sanjay Raut) यांनी खळबळजनक वक्तव्य केलं आहे.

राम मंदिर उद्घाटन सोहळ्याला देशाच्या कानाकोपऱ्यातून लोक येणार आहे. या कार्यक्रमासाठी देशाच्या कानाकोपऱ्यातून अयोध्येमध्ये ट्रेन बोलवून एखाद दुसऱ्या ट्रेनवर हल्ला घडवून आणला जाऊ शकतो, असं संजय राऊत यांनी म्हटलं आहे.

संजय राऊत यांच्या या वक्तव्यावर प्रतिक्रिया देत असताना भाजप नेते नितेश राणे यांनी संजय राऊत यांच्यासह उद्धव ठाकरेंवर (Uddhav Thackeray) खोचक टीका केली आहे. संजय राऊत आणि उद्धव ठाकरे पाकिस्तानी एजंट आहे का? असा सवाल देखील नितेश राणे यांनी उपस्थित केला आहे.

Are Sanjay Raut and Uddhav Thackeray Pakistani agents? – Nitesh Rane 

नितेश राणे (Nitesh Rane) म्हणाले, “सर्व भारतीय राम मंदिर उद्घाटन सोहळ्याची आतुरतेनं वाट बघत आहे. एकीकडं या कार्यक्रमाला हजारो रामभक्त उपस्थित राहणार आहे.

तर दुसरीकडं उद्धव ठाकरे आणि संजय राऊत दंगली घडवण्याच्या गोष्टी करत आहे. हिंदूंचे कोणतेही सण उत्सव आले की संजय राऊत आणि उद्धव ठाकरे वादग्रस्त वक्तव्य करताना दिसतात.

मात्र, हज यात्रा किंवा मुस्लिमांच्या सणांच्या वेळी संजय राऊत आणि उद्धव ठाकरे काहीही बोलत नाही. यावरून उद्धव ठाकरे आणि संजय राऊत पाकिस्तानी एजंट आहे का? असा संशय आता मला वाटत आहे.

दरम्यान, संजय राऊत यांच्या या वक्तव्यावर शिंदे गटाचे आमदार संजय शिरसाट (Sanjay Shirsat) यांनी देखील प्रतिक्रिया दिली आहे. ते म्हणाले, “अशा प्रकारची विधान करणं अत्यंत मूर्खपणा आहे.

हा राजकारणाचा अत्यंत किळसवाणा प्रकार आहे. राम मंदिराच्या उद्घाटन सोहळ्याला प्रत्येक भाविक आनंदानं आणि उत्साहानं उपस्थित राहणार आहे.

बॉम्ब ठेवणार आहे, हल्ले होणार आहे, असं म्हणणाऱ्या लोकांवर गुन्हे दाखल व्हायला हवे. यासाठी मी आजच मुख्यमंत्री एकनाथ शिंदे यांची भेट घेणार आहे.”

महत्वाच्या बातम्या

• Sanjay Shirsat | संजय राऊतांवर गुन्हा दाखल झाला पाहिजे – संजय शिरसाट
• Jayant Patil | ‘शासन आपल्या दारी’ म्हणतं ‘दुष्काळ आपल्या दारी’ येऊन ठेपलाय; जयंत पाटलांनी राज्य सरकारचे कान टोचले
• Keshav Upadhye | शिल्लक सेनेचा हताश प्रवक्ता; केशव उपाध्येंची संजय राऊतांवर खोचक टीका
• Ashish Shelar | ठाकरे गटाची लगबग म्हणजे ‘अशी ही बनवाबनवी’ सिनेमातील ‘ते’ दृश्य; इंडियाच्या बैठकीवरून शेलारांनी ठाकरेंना डिवचलं
• Pankaja Munde | 2 महिन्याच्या ब्रेकनंतर पंकजा मुंडे राजकारणात सक्रिय, राज्यात करणार शिवशक्ती दौरा

📈 लोकप्रिय बातम्या

मनोज जरांगे मुंबईत धडकणार! हायकोर्टाचा मोठा निर्णय, आंदोलनाला रोखण्यास स्पष्ट नकार

गृहमंत्र्यांना सांगतो, अंतरवालीपासून मुंबईपर्यंत कुठेही अडवायचं नाही, जिथं अडवाल तिथं…: मनोज जरांगे

अभिजीत दिपके यांचा मध्य प्रदेशच्या ‘मुख्यमंत्री’ पदाचा राजीनामा; बालाघाटमधील वादानंतर सरकारला टोला