🕒 1 min read
Adani Pelma Collieries : गेल्या काही महिन्यांपासून अदानी प्रकरनामुळे गौतम अदानी यांचा अदानी समूह व्यवसाय ठप्प होत चालला असल्याचं पाहायला मिळत आहे. यासाठी अदानी समूहाने नवीन कंपनी स्थापन केली आहे, जी नवीन क्षेत्रात व्यवसाय करणार आहे. अदानी समूहाची प्रमुख कंपनी अदानी एंटरप्रायजेस लिमिटेडने याबाबत शेअर बाजारांना माहिती दिली आहे.
तसचं अदानी एंटरप्रायझेसने स्टॉक एक्स्चेंजला कळवले आहे की त्यांनी कोळसा धुण्याचा व्यवसाय करण्यासाठी एक नवीन पूर्ण मालकीची उपकंपनी स्थापन केली आहे. त्या नवीन कंपनीचे नाव Pelma Collieries आहे, जी अदानी एंटरप्रायझेसची 100 टक्के मालकीची उपकंपनी आहे. 07 एप्रिल रोजी या नवीन कंपनीची स्थापना करण्यात आली होती. तर ही Pelma Collieries कोळसा हाताळणी प्रणालीसह कोल वॉशरीज बांधण्याचा आणि चालवण्याचा व्यवसाय हाती घेईल असं देखील सांगायचा आलं आहे.
गेल्या काही महिन्यांपासून अदानी समूहाचे शेयर खाली घसरताना पाहायला मिळत आहेत. तर हे वर्ष अदानी समुहासाठी फारसे चांगले राहिलेले नाही. वर्षाच्या पहिल्या महिन्यात, जानेवारीमध्ये, अमेरिकन शॉर्ट सेलर फर्म हिंडेनबर्गने एक वादग्रस्त अहवाल जारी करून अदानी समूहासमोर अडचणी निर्माण केल्या. तर हिंडेनबर्गने सादर केलेल्या अहवालामुळे अदानी समूहाची चांगलीच कोंडी झालेली आहे. या प्रकरणावरून राजकीय वर्तुळात देखील सवाल उपस्थित करण्यात आले आहे. काँग्रेस नेते राहुल गांधी यांनी थेट अदानी समूहाला आणि भाजपला प्रश्न विचारले आहे. याचा वाद आजून मिटला नाही तोपर्यंत अदानी समूहाने नवीन कंपनी स्थापन केल्यामुळे अनेक प्रश्न उपस्थित केले जात आहेत.
महत्वाच्या बातम्या-
- Anna Hazare | ज्येष्ठ समाजसेवक अण्णा हजारे यांना मारण्याची धमकी!
- Director Of Education | शिक्षण संचालनालयामध्ये ‘या’ पदांच्या रिक्त जागा भरण्यासाठी अधिसूचना प्रसिद्ध
- IPL 2023 | CSK संघावर बंदी घाला! तमिळनाडूच्या आमदारानी केली मागणी; जाणून घ्या काय आहे प्रकरण
- National Health Mission | राष्ट्रीय आरोग्य अभियानांतर्गत ‘या’ पदांसाठी भरती प्रक्रिया सुरू
- BJP | चंद्रकांत पाटलांनी बाळासाहेबांवर केलेल्या ‘त्या’ वक्तव्यावरून भाजपमध्ये उघड नाराजी!
