Weather Update | राज्यात वाढला उन्हाचा पारा, वाचा हवामान अंदाज

🕒 1 min read

Weather Update | टीम महाराष्ट्र देशा: मार्च महिन्याच्या सुरुवातीला राज्यात बहुतांश ठिकाणी अवकाळी पावसाने (Unseasonal rain) हजेरी लावली होती. त्यानंतर आता मार्च महिन्याच्या शेवटच्या आठवड्यामध्ये उन्हाचा पारा (Temperature) वाढत चालला आहे. राज्यामध्ये तापमानाचा पारा 38 अंश सेल्सिअसवर जाऊन पोहोचला आहे. त्यामुळे उकाड्यात वाढ झाली आहे.

राज्यामध्ये आज (28 मार्च) उन्हाचा चटका कायम राहणार असल्याचा अंदाज हवामान खात्याकडून वर्तवण्यात (Weather Update) आला आहे. तर उद्यापासून (29 मार्च) विदर्भातील काही ठिकाणी विजांसह वादळी पावसाची शक्यता हवामान खात्याने दिली आहे. त्यामुळे या परिसरातील नागरिकांनी आवश्यक ती काळजी घ्यावी, असे आवाहन हवामान विभागाकडून करण्यात आले आहे.

राज्यामध्ये कमाल तापमानात चढ-उतार (Weather Update) सुरू आहे. त्यामुळे उकाडा वाढला आहे. राज्यामध्ये सोमवारी (27 मार्च) वर्धा जिल्ह्यात उच्चांकी तापमानाची नोंद झाली आहे. वर्धामध्ये 38.6 अंश सेल्सिअस तापमान नोंदविण्यात आले आहे. तर यवतमाळ, अकोला आणि अमरावती या ठिकाणी कमाल तापमान 38 अंश सेल्सिअसच्या दरम्यान होते.

उर्वरित राज्यामध्ये बहुतांश ठिकाणी कमाल तापमानाचा पारा 32 ते 37 अंश सेल्सिअस दरम्यान आहे. तर किमान तापमानात चढ-उतार (Weather Update) होत असून बहुतांश ठिकाणी किमान तापमानाचा पारा 12 अंश सेल्सिअसच्या पुढे कायम आहे. 27 मार्च रोजी नाशिक जिल्ह्यामध्ये राज्यातील नीचांकी 10.5 अंश सेल्सिअस तापमानाची नोंद करण्यात आली आहे.

दरम्यान, तेलंगणा, कर्नाटक, आंध्र प्रदेश, तामिळनाडू, केरळ या भागांमध्ये 26 ते 29 मार्च दरम्यान अवकाळी पावसाची हजेरी लागण्याची शक्यता हवामान खात्याकडून वर्तवण्यात आली आहे. या भागातील बहुतांश ठिकाणी विजांसह पावसाच्या सरी बरसण्याची शक्यता आहे. तर सिक्कीम, ओडिसा आणि झारखंड या भागांमध्ये गारपीटीची शक्यता वर्तवण्यात (Weather Update) आली आहे.

महत्वाच्या बातम्या

• Job Opportunity | सिल्वासा स्मार्ट सिटी लिमिटेड यांच्यामार्फत ‘या’ पदांसाठी भरती प्रक्रिया सुरू
• Reserve Bank of India | रिझर्व बँक ऑफ इंडिया (RBI) मध्ये ‘या’ पदांच्या रिक्त जागा भरण्यासाठी भरती प्रक्रिया सुरू
• Weight Loss | उन्हाळ्यामध्ये वजन कमी करण्यासाठी करा ‘या’ टिप्स फॉलो
• Job Opportunity | ‘या’ जिल्ह्यातील अंगणवाडीमध्ये नोकरीची संधी! आजच करा अर्ज
• Rajgira | राजगिऱ्याचे सेवन केल्याने आरोग्याला मिळतात ‘हे’ फायदे

📈 लोकप्रिय बातम्या

रोहित पवारांना सुप्रीम कोर्टाचा ‘धक्का’; भर कोर्टात न्यायाधीशांनी झापलं, विचारला ‘हा’ जाब!

अजितदादांच्या आठवणीत गौतमी पाटील भावूक; दादांच्या ‘त्या’ दोन शब्दांनी जिंकलं होतं मन!

ट्रम्प यांच्या एका निर्णयाने भारतात खळबळ; सोने-चांदीच्या भावात मोठी उसळी, चांदी थेट अडीच लाखांवर!