Weather Update | टीम महाराष्ट्र देशा: राज्यातील वातावरणात सध्या सातत्याने बदल होताना दिसत आहे. कुठे उन्हाचा चटका वाढत आहे, तर कुठे ढगाळ वातावरण तयार झाले आहे. राज्यामध्ये बहुतांश ठिकाणी अवकाळी पावसाने (Unseasonal rain) हजेरी लावली आहे. अचानक आलेल्या अवकाळी पावसामुळे मुंबईकरांची तारांबळ उडाली होती. मुंबई, ठाणे, पालघर, रायगड, रत्नागिरी या जिल्ह्यांमध्ये विजांसह मध्यम स्वरूपाचा पाऊस पडण्याची शक्यता हवामान खात्याकडून वर्तवण्यात आली आहे. त्यामुळे या परिसरातील नागरिकांच्या गुढीपाडव्यामध्ये व्यत्यय निर्माण होण्याची शक्यता निर्माण झाली आहे.
आज ‘या’ ठिकाणी पावसाची शक्यता (Chance of rain at ‘this’ place today)
राज्यामध्ये या आठवड्यात पावसाची शक्यता (Weather Update) कायम आहे. मुंबई, पालघर, रायगड, ठाणे, रत्नागिरी या ठिकाणी गुरुवारपर्यंत हलक्या ते मध्यम स्वरूपाचा पाऊस पडण्याची शक्यता आहे. तर धुळे, नंदुरबार, सोलापूर, परभणी, नांदेड, हिंगोली, उस्मानाबाद, अमरावती, भंडारा, लातूर, गडचिरोली, गोंदिया, चंद्रपूर, नागपूर या ठिकाणी शुक्रवार आणि शनिवारसाठी पावसाचा येल्लो अलर्ट जारी करण्यात आला आहे. शनिवारी नाशिक, अकोला, बुलढाणा, वाशिम, वर्धा यवतमाळ या ठिकाणी अवकाळी पाऊस पडण्याची शक्यता हवामान खात्याकडून वर्तवण्यात आली आहे.
या अवकाळी पावसामुळे राज्यातील शेतकरी पुन्हा एकदा संकटात सापडला आहे. या पावसाने शेतकऱ्यांच्या हाता-तोंडाशी आलेला घास हिरावून घेतला आहे. अवकाळी पावसामुळे (Weather Update) शेतीतील गहू, हरभरा, मका, मूग इत्यादी रब्बी पिकांचे मोठ्या प्रमाणात नुकसान झाले आहे.
दरम्यान, राज्यातील वातावरणात (Weather Update) सातत्याने बदल होताना दिसत आहे. कुठे ढगाळ वातावरण आहे, तर कुठे उन्हाचा चटका जाणवत आहे. या बदलत्या हवामानाचा फटका शेतीतील पिकांना बसत आहे. राज्यातील शेतकऱ्यांवर अवकाळी पावसाचा संकट घोंगावत आहे.
महत्वाच्या बातम्या
- Vinod Tawde | विनोद तावडे म्हणतात,”मला केंद्रातल्या राजकारणात काम करायला आवडेल पण…”
- Ashish Shelar | “संजय राऊत कोठ्यावर जात असतील म्हणून..”; आशिष शेलारांचा पलटवार
- Bhaskar Jadhav | “आता सभागृहात येण्याची इच्छाच नाही”; भास्कर जाधव विधानभवनाच्या पायऱ्यांवर नतमस्तक
- Supriya Sule | “आम्ही यासाठी राजकारणात आलो नाही”; सुप्रिया सुळे दादा भुसेंवर भडकल्या
- Bacchu Kadu | “राऊतांच्या मेंदूत फरक पडलाय, त्यावर कुठंतरी उपचार करणं गरजेचं”; बच्चू कडूंचं वक्तव्य
