रुपाली चाकणकर रश्मिका मंदाना आहेत का? – सुषमा अंधारेंचा खोचक सवाल

🕒 1 min read

पुणे | ठाकरे गटाच्या नेत्या सुषमा अंधारे यांनी राज्य महिला आयोगाच्या अध्यक्षा रुपाली चाकणकर यांच्यावर जोरदार टीका केली आहे. “चाकणकर रश्मिका मंदाना किंवा स्मृती इराणी आहेत का? त्यांच्यावर बोलल्याने आम्हाला प्रसिद्धी मिळेल, इतक्या त्या कोण आहेत?” असा सवाल करत त्यांनी खोचक टिप्पणी केली.

महाविकास आघाडीच्या महिला नेत्यांनी राज्यपाल सी.पी. राधाकृष्णन यांची भेट घेतली. या पार्श्वभूमीवर चाकणकर यांनी असा आरोप केला होता की, “माझ्यावर आणि महिला आयोगावर टीका करून विरोधक प्रसिद्धी मिळवतात.”

Sushma Andhare Slams Rupali Chakankar

या विधानावर प्रतिक्रिया देताना सुषमा अंधारे म्हणाल्या, “चाकणकर कोणत्या क्षेत्रातील सुप्रसिद्ध व्यक्ती आहेत? राजकारण, बॉलिवूड, की प्रशासन? काही लोकांना मोठे गैरसमज असतात. त्यांनी अंधश्रद्धेतून बाहेर यावं. सुनील तटकरेंनी लाडक्या बहिणीला समजावून सांगावं.” असेही सांगितले.

महिला आयोगाच्या अध्यक्षपदावरून अंधारे यांनी टीकास्त्र सोडलं. “पूर्णवेळ काम करणारी, कायद्याचं ज्ञान असलेली व्यक्ती आयोगाच्या अध्यक्षपदी हवी. सध्याच्या अध्यक्षांना कायद्यातलं काही समजत नाही. ईमेलला ‘स्यू मोटो’ म्हणतात. स्यू मोटो म्हणजे काय तेच माहीत नाही,” असा आरोप त्यांनी केला.

दरम्यान, चाकणकर म्हणाल्या होत्या की, “महाविकास आघाडीच्या काळातच मला महिला आयोगाचं अध्यक्षपद मिळालं आहे. त्यामुळे त्यांनी काय बोलायचं ते ठरवावं. आज टीका करणाऱ्या महिला निवडणुकीनंतर बाजूला पडल्या आहेत, त्यांना कोणी विचारत नाही. प्रसिद्धी मिळवी म्हणूनच त्या टीका करत आहेत.”

📌 महत्वाच्या बातम्या

• महिला आयोग अपयशी, रूपाली चाकणकर यांचा राजीनामा घ्या – रोहिणी खडसे
• ‘झापुक झुपूक’ स्टार सूरज चव्हाणला शाहीर दादा कोंडके पुरस्कार; ‘लय भारी वाटतंय’ म्हणत चाहत्यांचे आभार
• “विराट कोहलीसाठी ट्रॉफी जिंकणार”, कॅप्टन रजत पाटीदार म्हणाला…

📈 लोकप्रिय बातम्या

सोन्या-चांदीच्या दरात मोठी घसरण; अचानक भाव का कोसळले? जाणून घ्या

लाडकी बहीण योजनेच्या हप्त्याची तारीख जाहीर, पण लाभार्थ्यांच्या संख्येत मोठी घट?

‘मुंबईवर आपलं वर्चस्व, मराठी माणसांना प्रवेश नको’; प्रसाद वेदपाठकच्या ट्विटवर रिप्लाय, पोस्ट व्हायरल