‘झापुक झुपूक’ स्टार सूरज चव्हाणला शाहीर दादा कोंडके पुरस्कार; ‘लय भारी वाटतंय’ म्हणत चाहत्यांचे आभार

🕒 1 min read

Suraj Chavan : ‘बिग बॉस मराठी’च्या पाचव्या पर्वाचा विजेता सूरज चव्हाण याला नुकताच स्वर्गीय शाहीर दादा कोंडके यांच्या नावाने पुरस्कार प्रदान करण्यात आला. मुंबईतील लोकशाहीर अण्णाभाऊ साठे सभागृहात झालेल्या कार्यक्रमात हा पुरस्कार सूरजच्या हाती पडला. या सोहळ्याला त्याची बिग बॉस सहस्पर्धक जान्हवी किल्लेकर देखील उपस्थित होती.

सूरजने आपल्या इन्स्टाग्रामवर हा आनंदाचा क्षण शेअर करत लिहिलं – “तुमच्या सगळ्यांच्या प्रेमामुळे मला दादा कोंडके यांच्या नावाने पुरस्कार मिळाला, लय भारी वाटतंय!”

‘Zhapuk Zhapuk’ star Suraj Chavan receives Shahir Dada Kondke Award

‘झापुक झुपूक’ सिनेमातून सूरजने मोठी लोकप्रियता मिळवली. टिकटॉक व्हिडीओमधून चर्चेत आलेल्या सूरजला सुरुवातीला अनेक संकटांना सामोरं जावं लागलं होतं. मात्र, बिग बॉस शोमध्ये त्याच्या साध्या आणि निरागस स्वभावामुळे प्रेक्षक त्याच्यावर प्रेम करायला लागले आणि तो थेट विजेता ठरला.

हा पुरस्कार मिळाल्याने चाहत्यांकडून शुभेच्छांचा वर्षाव होत असून सोशल मीडियावर त्याचं प्रचंड कौतुक होत आहे.

📌 महत्वाच्या बातम्या

• “विराट कोहलीसाठी ट्रॉफी जिंकणार”, कॅप्टन रजत पाटीदार म्हणाला…
• ICC Womens World Cup 2025 स्पर्धेचं वेळापत्रक जाहीर
• विचारधारा वेगळी, पण कुटुंब एकच; अजित पवारांचं राष्ट्रवादी एकत्रिकरणावर भाष्य

📈 लोकप्रिय बातम्या

राज्य निवडणूक आयोगाचा मोठा निर्णय; राज्यातील १५,६३६ ग्रामपंचायतींमध्ये राजकीय भूकंप होणार?

उदय सामंत यांच्या पत्नीची मोठी माघार; निवडणुकीत अचानक ‘हा’ मोठा ट्विस्ट!

अंकिता लोखंडेने शेअर केले मशिदीतले फोटो, गोसेवा केल्यानंतर थेट हिजाब घातल्याने नेटकरी संतापले!