D K Shivakumar | कर्नाटकचा मुख्यमंत्री कोण असणार या चर्चांना पूर्णविराम लागणार असल्याची माहिती मिळाली आहे. आज (17 मे) काँग्रेस नेते राहुल गांधी (Rahul Gandhi) यांची डी के शिवकुमार (D K Shivakumar) आणि सिद्धरामय्या यांनी भेट घेतली आहे. भेटीदरम्यान सुमारे तासभर चर्चा झाली असल्याची माहिती सूत्रांनी दिली आहे. तर सूत्रांच्या माहितीनुसार मुख्यमंत्रीपदासाठी सिद्धरमय्या यांचं नाव अंतिम करण्यात आलं आहे. तर डी के शिवकुमार यांना राहुल गांधी यांनी ऑफर दिली असल्याची देखील माहिती समोर आली आहे.
राहुल गांधींची डी के शिवकुमार यांना ‘ही’ ऑफर
उपमुख्यमंत्रीपद आणि सहा खात्यांची जबाबदारी तुमच्यावर सोपविण्यात येईल ही ऑफर राहुल गांधी यांनी डी के शिवकुमार दिला आहे. दोन्ही नेत्यांसोबत राहुल गांधी यांची स्वतंत्र चर्चा झाली असून सिद्धरामय्या यांच्याशी सुमारे अर्धा तास चर्चा केली. तर शिवकुमार त्यांच्याशी तासाभराहून अधिक वेळ चर्चा झाली असल्याचं सांगण्यात येत आहे. याचप्रमाणे काँग्रेस अध्यक्ष मल्लिकार्जुन खरगे यांच्या निवासस्थानी देखील दोन्ही नेत्यांनी खरगेची भेट घेतली.
दरम्यान, जर डी के शिवकुमार यांनी जर राहुल गांधी यांची ऑफर स्वीकारली तर सूत्रांनी दिलेल्या माहितीनुसार, सिद्धरामय्या यांचा शपथविधी शनिवारी किंवा रविवारी होण्याची शक्यता आहे. यामुळे डी के शिवकुमार काय निर्णय घेणार याकडे सर्वांचं लक्ष लागलं आहे . तसचं खरगे यांनी सोमवारी पक्षाच्या तिन्ही निरीक्षकांशी चर्चाही केली होती. निरीक्षकांनीही त्यांच्या मताच्या आधारे आमदारांना अहवाल सादर केला होता. यावरून हा निर्णय घेण्यात आल्याचं सांगितलं जातं आहे.
महत्वाच्या बातम्या-
- Nana Patole | भास्कर जाधव यांच्या आरोपावर नाना पटोलेंचं उत्तर, म्हणाले…
- HSC & SSC Results | दहावी-बारावीच्या विद्यार्थांची प्रतिक्षा संपणार! तर ‘या’ दिवशी लागणार निकाल
- Sharad Pawar | राष्ट्रवादी काँग्रेसच्या बैठकीत शरद पवारांनी ज्येष्ठ नेत्यांना दिल्या ‘या’ सूचना
- Uddhav Thackeray | ठाकरे गटाच्या जिल्हाप्रमुखांच्या बैठकीत काय ठरलं? अंबादास दानवेंनी दिली माहिती
- Nitin Gadkari | नितीन गडकरींना पुन्हा जिवे मारण्याची धमकी! नक्की प्रकरण काय?
- Sanjay Raut | “धार्मिक तणाव निर्माण करून..” ; संजय राऊतांचं खळबळजनक वक्तव्य
बातम्यांसाठी YouTube चॅनेल Subscribe करा
Subscribe Now
