मुंबई : भारताचे माजी क्रिकेटपटू आणि प्रशिक्षक संजय बांगर ( Sanjay Bangar ) यांची मुलगी अनाया बांगर (पूर्वी आर्यन बांगर) सध्या तिच्या जेंडर बदलाच्या प्रवासामुळे चर्चेत आहे. अनायाने ( Anaya Bangar ) अलीकडेच सोशल मीडियावर एक व्हिडिओ शेअर करत आपल्या आयुष्यातील काही खास आणि व्यक्तिगत टप्प्यांवर मोकळेपणाने प्रकाश टाकला आहे.
या व्हिडिओमध्ये अनायाने सांगितलं की, “मी लहानपणापासूनच मुलगी होण्याचं स्वप्न पाहत होते. मी 9 वर्षांची असताना आईचे कपडे चोरून आरशासमोर घालायचे. मला स्वतःला मुलगी म्हणून पाहणं खूप आवडायचं.”
Anaya Bangar shares gender journey
या प्रवासात तिला सर्वाधिक आधार मिळाला तो तिच्या लहान भावाकडून. अनायाने सांगितलं, “माझा भाऊ अथर्व फक्त १६ वर्षांचा आहे, पण त्याने मला असं म्हटलं, तू जेंडर बदल केलास तरी तू माझी बहीणच राहशील. ही भावना माझ्यासाठी खूप मोठी होती.”
क्रिकेट वातावरणात वाढलेल्या अनायानेही आपल्या करिअरची सुरुवात क्रिकेटमधूनच केली होती. ती मुंबईच्या अंडर-16 संघात खेळली असून, लँकेशायरमधील स्थानिक क्लबसाठीही क्रिकेट खेळली आहे. यशस्वी जयस्वाल, सरफराज खान, मुशीर खान यांच्यासोबतही तिने मैदानात बॅट फिरवली होती. मात्र, आता ती ( Anaya Bangar ) क्रिकेटपासून दूर गेली आहे.
अनायाने तिच्या जेंडर ट्रांझिशनच्या प्रवासावर आधारित एक डॉक्युमेंटरी तयार केली असून, ती लवकरच तिच्या यूट्यूब चॅनलवर प्रदर्शित होणार आहे. या माहितीपटात तिने केवळ शस्त्रक्रिया आणि बदलांची प्रक्रिया नव्हे, तर स्वतःला शोधण्याचा, समजून घेण्याचा आणि स्वीकारण्याचा संपूर्ण प्रवास मांडला आहे. अनायाचा व्हिडिओ सध्या सोशल मीडियावर मोठ्या प्रमाणात व्हायरल होत असून, अनेकांनी तिच्या ( Anaya Bangar ) धाडसाचं कौतुक केलं आहे.
📌 महत्वाच्या बातम्या
- जयंत पाटलांनी राजीनामा दिला! आता राष्ट्रवादीचा नवा ‘अध्यक्ष’ कोण? ‘या’ मोठ्या नावाची जोरदार चर्चा!
- लॉर्ड्स कसोटी रंगली… आणि पेटलीही! शेवटच्या षटकात मैदानावर Gill-Siraj आणि Crawley यांच्यात वाद
- जयंत पाटील नेहमी माझ्या संपर्कात असतात, पक्षात खुश नाहीत; भाजपच्या बड्या नेत्याचं विधान
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
