🕒 1 min read
Pune Crime : पुण्यात स्वारगेट एसटी स्थानकावर एका तरुणीवर बलात्कार झाल्याची धक्कादायक घटना समोर आली आहे. या घटनेने कायदा-सुव्यवस्थेवर गंभीर प्रश्नचिन्ह उपस्थित केले आहे. सोमवारी पहाटे ही घटना घडली असून, पीडित तरुणी पुण्याहून फलटणला जाण्यासाठी बसस्थानकावर आली होती. यावेळी, एका अज्ञात व्यक्तीने तिच्याशी संवाद साधून बस दाखवण्याच्या बहाण्याने तिला शिवशाही बसमध्ये नेले आणि तिच्यावर अत्याचार केला.
Pune Crime | Shivshahi Bus rape case details
पीडित तरुणी स्वारगेट स्थानकावर फलटण बससाठी थांबली असताना आरोपी तिच्याशी गोड बोलून ओळख वाढवू लागला. त्याने तिला दिशाभूल करत सांगितले की, सातारची बस येथे थांबत नाही. मात्र, तरुणीने त्याला विरोध करत सांगितले की, ती इथेच थांबते. यानंतर आरोपीने तिला एका शिवशाही बसमध्ये जाण्यास प्रवृत्त केले.
सीसीटीव्ही फुटेजमध्ये तरुणी आरोपीसोबत बसकडे जात असल्याचे स्पष्ट दिसते. बसमध्ये अंधार असल्याने तिने शंका व्यक्त केली, मात्र आरोपीने तिला प्रवासी झोपले असल्याचे सांगितले. बसमध्ये पाऊल टाकताच, आरोपीने मागील दरवाजा बंद केला आणि तिच्यावर अत्याचार केला.
पोलिसांची तातडीची कारवाई
गुन्हा केल्यानंतर आरोपी तिथून पसार झाला, तर काही वेळाने तिने तिच्या मित्राला फोन करून घडलेल्या प्रकाराबद्दल माहिती दिली. मित्राच्या सल्ल्यानुसार, तिने स्वारगेट पोलीस ठाण्यात तक्रार दाखल केली.
आरोपीचा शोध सुरू
सीसीटीव्ही फुटेजच्या आधारे आरोपीची ओळख पटली आहे. तो शिरूर गावचा असून, त्याच्यावर भारतीय दंड संहितेच्या कलम ३९२ अंतर्गत गुन्हा दाखल करण्यात आला आहे. आरोपीला पकडण्यासाठी आठ पोलीस पथके शोध घेत आहेत. तसेच, या घटनेमुळे पुण्यातील सार्वजनिक ठिकाणांवरील सुरक्षेच्या व्यवस्थेवर चिंतेचे वातावरण निर्माण झाले आहे.
महत्वाच्या बातम्या
- Pune : “शरीरसुखाची मागणी पूर्ण न केल्यानं निलंबित केलं…”, PMPL महिला कंडक्टरचा कार्यालयातच आत्मदहनाचा प्रयत्न
- Santosh Deshmukh प्रकरणात उज्ज्वल निकम यांच्या नियुक्तीवर शिवसेनेचा आक्षेप; व्यक्त केली मोठी शंका
- पुण्यात धक्कादायक घटना | Ajit Pawar गटाच्या पदाधिकाऱ्याची स्वतःच्या आईला मारहाण
बातम्यांसाठी YouTube चॅनेल Subscribe करा
Subscribe Now
