दिल्ली, 1 नोव्हेंबर: नवी दिल्लीतील रामलीला मैदानावर आज इंडिया आघाडीच्या वतीने महामोर्चाचे आयोजन करण्यात आले आहे. या रॅलीच्या पार्श्वभूमीवर काँग्रेस नेते राहुल गांधी यांनी भाजपवर गंभीर आरोप केला आहे. रॅलीला येणाऱ्यांमुळे परिसरातील दुकानदारांचा फायदा व्हावा यासाठी आम्ही लोकांना खरेदीचे आवाहन केले होते, मात्र भाजपने जबरदस्तीने सर्व दुकाने बंद करायला लावली आहेत, असा दावा राहुल गांधी यांनी केला आहे.
कनॉट प्लेसजवळ पोहोचताना राहुल गांधी म्हणाले की, “आम्ही रॅलीत येणाऱ्यांना येथे खरेदी करण्याचे आवाहन केले होते, जेणेकरून दुकानदारांना फायदा होईल. पण कनॉट प्लेस जवळ येताना समजले की भाजपने जबरदस्तीने सर्व दुकाने बंद करायला लावली आहेत. देश पाहत आहे की भाजप दुकानदारांचे नुकसान करत आहे.” याआधी सोशल मीडिया पोस्टद्वारेही त्यांनी व्यापाऱ्यांचे कोणतेही नुकसान होणार नसल्याचे सांगत, भाजप घाबरल्याने अफवा पसरवत असल्याचे म्हटले होते. तसेच, त्यांनी मोर्चाचा मार्ग शेअर करत ‘भेटूया, एकत्र चालूया!’ असा संदेश दिला होता.
मतदार यादीतील कथित गोंधळ आणि निवडणूक आयोगाच्या विशेष सखोल पुनरावलोकनाच्या (एसआयआर) मुद्द्यावर ‘वोट बचाओ, देश बचाओ’ या नावाने ही रॅली सायंकाळी ५ वाजेपर्यंत चालणार आहे. तत्पूर्वी, काँग्रेस अध्यक्ष मल्लिकार्जुन खर्गे यांच्या निवासस्थानी विरोधी पक्षनेत्यांची मोठी गर्दी जमली होती. हिमाचल प्रदेशचे मुख्यमंत्री सुखविंदर सिंह सुक्खू, केरळचे मुख्यमंत्री, कर्नाटकाचे माजी मुख्यमंत्री सिद्धरामय्या, प्रियांका गांधी, के.सी. वेणुगोपाल आणि रणदीप सुरजेवाला यांच्यासह अनेक बडे नेते तिथे उपस्थित होते. येथूनच सर्व नेते रॅलीसाठी रवाना होणार आहेत.
या महामोर्चामध्ये अखिलेश यादव आणि ममता बॅनर्जी यांच्यासह २३ पक्षांचे नेते सहभागी होत आहेत. लोकसभेतील विरोधी पक्षनेते आणि काँग्रेस नेते असलेल्या राहुल गांधी यांनी विद्यार्थी आणि नागरी समाज गटांनाही या रॅलीत सहभागी होण्याचे आवाहन केले होते. या शक्तीप्रदर्शनात १० लाख लोक उपस्थित राहतील असा दावा करण्यात आला असून, या पार्श्वभूमीवर कडेकोट सुरक्षा व्यवस्था तैनात करण्यात आली आहे. तसेच दिल्ली पोलिसांनी वाहतूक मार्गदर्शक सूचना जारी केली आहे.
📌 महत्वाच्या बातम्या
- बाबर आझमच्या खराब फॉर्मवर शाहीन आफ्रिदीने सोडले मौन; टीकाकारांना दिले सडेतोड उत्तर
- ऑस्ट्रेलियाविरुद्धच्या विजयानंतर भावूक झाला सायमन हार्मर, सांगितला १० विकेट्स घेण्यापर्यंतचा प्रवास
- रवींद्र धंगेकरांचा नवनाथ बन यांच्यावर पलटवार, उपहासात्मक कार्टून शेअर करत म्हणाले ‘ही याची लायकी…’
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
