प्रतिनिधी, 17 ऑक्टोबर: आगामी २०२७ च्या एकदिवसीय विश्वचषकाच्या तयारीसाठी भारत आणि न्यूझीलंड यांच्यातील पाच सामन्यांची मालिका अत्यंत महत्त्वाची मानली जात आहे. या मालिकेच्या माध्यमातून मुख्य स्पर्धेसाठी सर्वोत्तम खेळाडू शोधण्याची संघ व्यवस्थापन आणि निवड समितीला संधी मिळेल. मात्र, या महत्त्वपूर्ण मालिकेसाठी यशस्वी जैस्वालला संघातून का वगळले, याचे कोणतेही ठोस उत्तर मिळालेले नाही. या निर्णयावर भारताचा माजी फिरकीपटू रविचंद्रन अश्विन याने तीव्र नाराजी व्यक्त करत निवड समितीवर गंभीर आरोप केले आहेत.
भारताचा नियमित एकदिवसीय कर्णधार शुभमन गिल प्रवासात असल्यामुळे मालिकेतील शेवटच्या दोन सामन्यांसाठी उपलब्ध नसेल. तसेच, केएल राहुललाही चौथ्या आणि पाचव्या एकदिवसीय सामन्यात विश्रांती दिली जाणार आहे. त्यामुळे संघाला नव्या सलामीच्या जोडीची आवश्यकता भासणार हे स्पष्ट आहे. याच पार्श्वभूमीवर एका यूट्यूब चर्चेदरम्यान अश्विनने प्रश्न उपस्थित केला की, गिल आणि राहुलच्या अनुपस्थितीत जैस्वालला एकदिवसीय संघात संधी का दिली नाही?
याबाबत बोलताना अश्विन म्हणाला, "शुभमन गिल शेवटचे दोन सामने खेळणार नसेल, तर ती जागा नक्कीच जैस्वालला मिळायला हवी. हे अत्यंत दुर्दैवी आहे, कारण या सगळ्यामुळे त्याचा आत्मविश्वास खचू शकतो. गिल आणि राहुलची परिस्थिती मी समजू शकतो, पण यशस्वी जैस्वालला खेळण्यासाठी अजिबात वेळ मिळत नाहीये."
काही महिन्यांपूर्वी जस्वालकडे भारताचा पर्यायी सलामीवीर म्हणून पाहिले जात होते. दुखापतग्रस्त विराट कोहलीच्या जागी त्याने मायदेशात अफगाणिस्तानविरुद्ध सामने खेळले. चेन्नईत झालेल्या आपल्या शेवटच्या एकदिवसीय सामन्यात त्याने नाबाद ११० धावांची खेळी केली होती. असे असतानाही आता तो संघाच्या आसपासही नसल्याचे पाहून अश्विनने संताप व्यक्त केला.
निवडीबाबतच्या गोंधळामुळे जस्वालचा आत्मविश्वास दुखावला गेल्याने तो सध्या फलंदाजीत संघर्ष करत असल्याचे अश्विनने नमूद केले. "त्याचा आत्मविश्वास पूर्णपणे उद्ध्वस्त होत आहे. मला माहीत नाही, पण तुम्ही त्याची फलंदाजी पाहिलीत, तर तो दोन-तीन वर्षांपूर्वी जशी फलंदाजी करायचा तशी आता करत नाहीये," असे अश्विन म्हणाला.
जैस्वालला संघातून पूर्णपणे वगळणे हा अन्याय असल्याचे स्पष्ट करत अश्विन पुढे म्हणाला, "तो एक 'रन मशीन' होता. जर त्याचा आत्मविश्वास कमी होत असेल, तर शक्य तिथे त्याला संधी देणे हे संघ व्यवस्थापन आणि निवड समितीचे काम आहे. पण त्याला अजिबात संधी मिळत नाहीये. त्याच्या वाट्याला काहीच आलेले नाही आणि हे अतिशय अन्यायकारक आहे."
📌 महत्वाच्या बातम्या
- २०२७ च्या वर्ल्ड कप प्लॅनमधून रवींद्र जडेजा बाहेर? न्यूझीलंड दौऱ्यासाठीही संघातून वगळले
- नरेंद्र मोदींनी नेहरूंचा रेकॉर्ड मोडल्याचा राहुल गांधींना राग; रामदास आठवलेंची टीका, अभिजीत दिपकेंना आरपीआयची ऑफर
- ऑस्ट्रेलियाविरुद्धच्या दुसऱ्या कसोटीपूर्वी सराव सत्रात एडन मार्करम अनुपस्थित
Quick Answers
आर. अश्विनच्या मते, न्यूझीलंडविरुद्धच्या मालिकेतून यशस्वी जैस्वालला वगळल्यामुळे आणि संधी न दिल्यामुळे त्याचा आत्मविश्वास पूर्णपणे उद्ध्वस्त होत आहे, जे अतिशय अन्यायकारक आहे.
शुभमन गिल प्रवासात असल्यामुळे शेवटच्या दोन सामन्यांसाठी उपलब्ध नसेल, तसेच केएल राहुललाही चौथ्या आणि पाचव्या सामन्यासाठी विश्रांती दिली जाणार आहे.
जैस्वालने चेन्नईत झालेल्या आपल्या शेवटच्या एकदिवसीय सामन्यात नाबाद ११० धावांची खेळी केली होती.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
