🕒 1 min read
सध्या सगळीकडे फक्त निवडणुकीचीच चर्चा आणि गडबड आहे, पण मतदानाची धामधूम संपल्यावर तुमच्या खिशाला किती मोठी कात्री लागणार आहे, याचा तुम्ही कधी विचार केलाय का?
सध्या राजकीय आरोप-प्रत्यारोपांनी वातावरण चांगलंच तापलंय. पण याच रणधुमाळीत सर्वसामान्यांचं टेन्शन वाढवणारी एक मोठी बातमी समोर आली आहे. आंतरराष्ट्रीय बाजारात कच्च्या तेलाचे भडकलेले भाव आणि युद्धाची परिस्थिती पाहता देशात Petrol Diesel Prices मध्ये लवकरच मोठा स्फोट होण्याची शक्यता आहे.
Petrol Diesel Prices
देशांतर्गत प्रसिद्ध ब्रोकरेज फर्म असलेल्या ‘कोटक इन्स्टिट्यूशनल इक्विटीज’ने नुकताच एक अत्यंत खळबळजनक रिपोर्ट दिला आहे. सध्या निवडणुकांमुळे तेल विपणन कंपन्यांनी (OMCs) इंधनाचे दर मुद्दाम रोखून धरले आहेत. मात्र, मतदानाचा शेवटचा टप्पा पार पडताच हे दर नियंत्रणाबाहेर जाऊ शकतात.
जर आंतरराष्ट्रीय बाजारात कच्च्या तेलाचा भाव प्रति बॅरल १२० डॉलरवर पोहोचला, तर या कंपन्यांना आपलं झालेलं नुकसान भरून काढावंच लागेल. त्यासाठी निवडणुका संपताच पेट्रोल आणि डिझेलच्या दरात थेट २५ ते २८ रुपये प्रति लिटरने वाढ करावी लागेल, असा धडकी भरवणारा अंदाज कोटकच्या अहवालात वर्तवण्यात आला आहे.
पश्चिम आशियात इराण, इस्रायल आणि अमेरिकेमध्ये सध्या जो भयंकर संघर्ष सुरू आहे, त्यामुळे ‘होर्मुझची सामुद्रधुनी’ येथील पुरवठा साखळी पूर्णपणे विस्कळीत झाली आहे. भारत आपली ८० टक्क्यांहून अधिक तेलाची गरज आयातीतून भागवतो. त्यामुळे जागतिक बाजारात थोडी जरी अस्थिरता आली, तरी भारताचे आयात बिल दररोज लाखो डॉलर्सनी वाढते.
सध्या निवडणुकांमुळे हा दरवाढीचा बॉम्ब तात्पुरता निकामी ठेवला असला, तरी येत्या काही दिवसांतच इंधन दरवाढीचा मोठा शॉक बसण्याची दाट शक्यता सूत्रांकडून वर्तवली जात आहे. त्यामुळे ग्राहकांनी आतापासूनच वाढीव खर्चाची तयारी केलेली बरी!
📌 महत्वाच्या बातम्या
- सोने-चांदी खरेदीदारांसाठी मोठी बातमी : गुरुपुष्यामृत मुहूर्तावर सोन्या-चांदीच्या दरात मोठी घसरण!
- ‘मला माफ कर’; कृष्णमाचारी श्रीकांत यांनी रोहित शर्माची माफी मागितली
- मेट्रो झाली ‘कमाईची मशीन’! एका शूटिंगमधून केली लाखो रुपयांची कमाई
बातम्यांसाठी YouTube चॅनेल Subscribe करा
Subscribe Now
