Nepal Flood Alert : नेपाळमध्ये काल आलेल्या विनाशकारी जलप्रलयमुळे सर्वत्र हाहाकार उडाला आहे. हे संकट ओढवलेले असतानाच देशासमोर आणखी एक धोका निर्माण झाला आहे. चीनच्या सीमेजवळील एक ‘बॅरियर लेक’ (Barrier lake) पुढील ७२ तासांत (72 Hours Alert) फुटण्याची शक्यता आहे. यामुळे नेपाळमध्ये पुन्हा एकदा प्रचंड पूर येऊ शकतो, असा इशारा चिनी अधिकाऱ्यांनी दिला आहे.
हे लेक ‘चोचेन खोला’ आणि ‘पुरेपु त्सांगपो’ या नद्यांच्या संगमावर स्थित आहे. याच ठिकाणी महाप्रलयाला सुरुवात होणार असल्याने त्याकडे चीनचे अधिकारी लक्ष ठेवून आहेत.
चीनच्या सरकारी ब्रॉडकास्ट सीसीटीव्ही रिपोर्टनुसार, बीजिंगमधील अधिकाऱ्यांनी हिमालयातील सीमावर्ती भागाजवळ उगमक्षेत्राच्या दिशेने असलेल्या एका ‘बॅरियर लेक’मुळे निर्माण होणाऱ्या संभाव्य धोक्याची ओळख पटवली आहे. या भागात हिमनदीचा काही भाग पुन्हा कोसळण्याचा धोका असून, तेथे बचावकार्य राबवणे अत्यंत कठीण असल्याचे म्हटले जात आहे.
Nepal Flood Alert and barrier lake threat
सरकारी प्रसारमाध्यमांच्या वृत्तानुसार, चीनचे जलसंपदा मंत्रालय ‘चोचेन खोला’ आणि ‘पुरेपु त्सांगपो’ या नद्यांच्या संगमावर असलेल्या या सरोवरावर बारकाईने लक्ष ठेवून आहे आणि त्यासंबंधीची माहिती गोळा करण्यास सुरुवात केली आहे. मोठी दुर्घटना टाळण्यासाठी आणि वेळेवर मदतकार्य सुनिश्चित करण्यासाठी अधिकाऱ्यांनी या सरोवरावर बारीक नजर ठेवण्यास सुरुवात केली आहे.
एका अहवालानुसार, बॅरियर लेकमध्ये तयार झालेल्या सरोवरात सध्या २० लाख घनमीटर पाणी साठलेले असून ते ओसंडून वाहत आहे. सध्याच्या हवामान परिस्थितीचा विचार करता, पुढील तीन दिवसांत आणखी ३० लाख घनमीटर पाणी या सरोवरात येण्याची शक्यता आहे.
यामुळे धरण फुटण्याचा धोका मोठ्या प्रमाणात वाढला असून, नेपाळमध्ये पुन्हा एकदा मोठ्या प्रमाणावर विनाश होण्याची शक्यता निर्माण झाली आहे. परिणामी, चिनी अधिकाऱ्यांनी पुढील ७२ तासांसाठी सतर्कतेचा इशारा जारी केला आहे.
या नवीन संकटापूर्वीच, नेपाळ-तिबेट सीमेवर मोठ्या प्रमाणावर दरडी कोसळण्याच्या घटना आणि विनाशकारी पुरामुळे हाहाकार उडाला आहे. तिबेटमध्ये किमान ५५८ लोक बेपत्ता आहेत.
चीनच्या परराष्ट्र मंत्रालयाच्या माहितीनुसार, सीमेच्या नेपाळकडील भागात १०० चिनी नागरिक बेपत्ता आहेत. बुधवारी सकाळी अचानक आलेल्या विनाशकारी पुरामुळे नेपाळमध्ये किमान ३३२ लोकांचा मृत्यू झाला आहे. शेकडो लोक अजूनही बेपत्ता आहेत. घरे, रस्ते आणि विजेचे खांब वाहून गेले आहेत.
संभाव्य धोक्यामुळे संवेदनशील भागांतील गावे रिकामी करण्यात आली आहेत. मदतकार्यात सहकार्य करण्यासाठी चीनने बीजिंग आणि चेंगडू येथून विशेष अग्निशमन व बचाव पथके पाठवली आहेत.
स्थानिक पोलिसांच्या मदतीने हे कार्य पार पाडले जाईल. दरम्यान, गियिरोंगच्या मध्यवर्ती शहरी भागातील काही ठिकाणी वीजपुरवठा पूर्ववत करण्यात आला आहे, मात्र बंदराच्या परिसरातील भागात अजूनही वीजपुरवठा खंडित आहे.
संभाव्य धोक्यामुळे संवेदनशील भागांतील गावे रिकामी करण्यात आली आहेत. मदतकार्यात सहकार्य करण्यासाठी चीनने बीजिंग आणि चेंगदूहून विशेष अग्निशमन व बचाव पथके पाठवली आहेत.
स्थानिक पोलिसांच्या मदतीने हे कार्य पार पाडले जाईल. दरम्यान, जिइरोंग मध्यवर्ती शहरी भागातील काही ठिकाणी वीजपुरवठा पूर्ववत करण्यात आला आहे, मात्र बंदराच्या परिसरातील भागात अजूनही वीजपुरवठा खंडित आहे.
📌 महत्वाच्या बातम्या
- बोगस कामगार घोटाळा: मजुरांच्या घामावर दलालांचा डल्ला! बिडकीन बनले केंद्रबिंदू
- ‘आरक्षण हटाव’ व्हिडिओप्रकरणी कराळे मास्तरांना अटक; वर्ध्यात खळबळ
- अमराठी रिक्षा-टॅक्सी चालकांना मोठा दिलासा; मराठी शिकण्यासाठी फडणवीसांकडून 1 वर्षाची मुदतवाढ
बातम्यांसाठी YouTube चॅनेल Subscribe करा
Subscribe Now
