🕒 1 min read
नवी दिल्ली : भारताचा ‘गोल्डन बॉय’ नीरज चोप्रासाठी (Neeraj Chopra) २०२५ हे वर्ष खऱ्या अर्थाने आयुष्याला कलाटणी देणारं ठरलं. एकीकडे त्याने अनेक वर्षांपासून हुलकावणी देणारा ९० मीटरचा (90m Mark) जादुई टप्पा पार करून इतिहास रचला, तर दुसरीकडे टेनिसपटू हिमानी मोर (Himani Mor) हिच्याशी लग्नगाठ बांधत नव्या इनिंगची सुरुवात केली. ३१ डिसेंबरच्या रात्री नीरजने सोशल मीडियावर आपल्या भावना व्यक्त करत, “२०२५ चा शेवट सुंदर आठवणींनी आणि आशीर्वादाने झाला,” अशा शब्दांत वर्षाचा निरोप घेतला.
मैदानावरची कामगिरी पाहता, मे महिन्यात दोहा डायमंड लीगमध्ये नीरजने ९०.२३ मीटर भाला फेकून टीकाकारांची तोंडे बंद केली. “नीरज ९० मीटर कधी पार करणार?” या चार वर्षांच्या प्रश्नाला त्याने उत्तर दिले. त्याचे नवे कोच जान झेलेझनी यांच्या मार्गदर्शनाखाली त्याने पॅरिस डायमंड लीग आणि बेंगळुरूची ‘एनसी क्लासिक’ स्पर्धाही गाजवली.
मैदानाबाहेरही नीरजने सर्वांना सुखद धक्का दिला. जानेवारी २०२५ मध्ये हिमाचलमध्ये अत्यंत खाजगी समारंभात त्याने हिमानीशी लग्न केले. त्यानंतर तब्बल ११ महिन्यांनी, डिसेंबरमध्ये कर्नाल आणि दिल्लीत लग्नाचे ग्रँड रिसेप्शन झाले. दिल्लीतील रिसेप्शनला खुद्द पंतप्रधान नरेंद्र मोदींनी (PM Narendra Modi) उपस्थिती लावून नवदाम्पत्याला प्रभू श्रीरामाची मूर्ती भेट दिली.
मात्र, वर्षाच्या उत्तरार्धात नीरजला काहीशा कडू अनुभवाला सामोरे जावे लागले. टोकियो वर्ल्ड चॅम्पियनशिपमध्ये पाठीच्या दुखापतीमुळे त्याला ८ व्या क्रमांकावर समाधान मानावे लागले. यामुळे त्याची सलग ३३ स्पर्धांमध्ये पोडियमवर राहण्याची मालिका खंडित झाली. असे असले तरी, दुखापतीतून सावरून २०२६ मध्ये नव्या जोमाने मैदानात उतरण्यासाठी नीरज सज्ज झाला आहे.
महत्वाच्या बातम्या
- संभाजीनगरात राडा! “गाढवावरून धिंड काढू”; अंबादास दानवे अधिकाऱ्यांवर का भडकले? पाहा व्हिडिओ
- ग्राहकाने दाखवला इंगा! १० रुपयांच्या ‘सर्व्हिस चार्ज’पायी हॉटेलला भरावा लागला ५० हजारांचा दंड
- निवडणूक अर्ज छाननीवरून राडा; “सत्ताधाऱ्यांसाठी एक न्याय, आणि आम्हाला…”, मनसेचा निवडणूक आयोगावर हल्लाबोल
- तिकीटासाठी निष्ठेचा लिलाव; ठाण्यात ८ दिवसांत ३ पक्ष बदलणाऱ्या गुन्हेगाराला उमेदवारी, निष्ठावंतांना अश्रू अनावर
बातम्यांसाठी YouTube चॅनेल Subscribe करा
Subscribe Now
