नवी मुंबई : नवी मुंबईतील उलवे परिसरात अल्पवयीन मुलींना वेश्याव्यवसायात ढकलल्याच्या गंभीर प्रकरणाने खळबळ उडाली आहे. या प्रकरणात पोलिसांनी चार जणांना अटक केली असून, यामध्ये एका विद्यमान नगरसेवकासह माजी नगरसेवकाचा समावेश असल्याची माहिती समोर आली आहे.
मिळालेल्या माहितीनुसार, 17 जून रोजी रेल्वे पोलिसांनी उलवे येथील एका लॉजवर कारवाई केली होती. या छाप्यात दोन अल्पवयीन सख्ख्या बहिणींची सुटका करण्यात आली. या मुलींचे वय 14 आणि 17 वर्षे असल्याचे सांगण्यात आले आहे.
पोलिसांच्या प्राथमिक तपासात या मुलींना पैशांचे आमिष दाखवून बेकायदेशीर व्यवसायात ओढल्याचा संशय व्यक्त करण्यात आला आहे. या प्रकरणाचा तपास पुढे नेत असताना पोलिसांना काही महत्त्वाचे धागेदोरे मिळाले आणि त्यानंतर चार संशयितांना अटक करण्यात आली.
अटक करण्यात आलेल्या आरोपींमध्ये राजकीय क्षेत्राशी संबंधित व्यक्तींचा समावेश असल्याने प्रकरण अधिक गंभीर बनले आहे. पोलिसांनी आरोपींविरोधात पॉक्सो कायदा तसेच अनैतिक मानवी व्यापार प्रतिबंधक कायद्यानुसार गुन्हे दाखल केले आहेत.
न्यायालयात हजर केल्यानंतर आरोपींना पोलीस कोठडी सुनावण्यात आली आहे. या प्रकरणामागे आणखी कोणाचा सहभाग आहे का, तसेच अल्पवयीन मुलींना या जाळ्यात कसे ओढण्यात आले, याचा तपास पोलिसांकडून सुरू आहे. या घटनेनंतर नवी मुंबई परिसरात संतापाची लाट असून, अल्पवयीन मुलींच्या सुरक्षेचा मुद्दा पुन्हा ऐरणीवर आला आहे.
📌 महत्वाच्या बातम्या
- ‘श्वेता तुमची खूप मोठी फॅन आहे…’; भर लग्नात जया बच्चन आणि संजय राऊतांचा ‘तो’ मराठी संवाद चर्चेत
- मान्सूनची रखडपट्टी संपणार; ‘या’ तारखेपासून राज्यात पावसाचा जोर वाढणार, हवामान विभागाचा नवा अंदाज
- रेवती सुळेंच्या लग्नात पार्थ पवारांसोबत आलेली ‘ती’ काश्मिरी तरुणी कोण? सोशल मीडियावर चर्चांना उधाण
