Maratha Reservation | टीम महाराष्ट्र देशा: मनोज जरांगे (Manoj Jarange) गेल्या महिन्यापासून मराठा समाजाला आरक्षण मिळावं, यासाठी आंदोलन करत आहे.
मराठा समाजाचं हे आंदोलन सुरू असताना वकील गुणरत्न सदावर्ते यांच्या (Gunaratna Sadavarte) गाडीची तोडफोड झाल्याची धक्कादायक घटना घडली आहे.
मंगेश साबळे या मराठा तरुणांने ही तोडफोड केली आहे. यानंतर मनोज साबळे यांच्या विरोधात गुणरत्न सदावर्ते यांनी आक्रमक भूमिका घेतली आहे.
याच पार्श्वभूमीवर मंगेश साबळे यांच्या आई चंद्रकला साबळे यांनी प्रतिक्रिया दिली आहे. माझ्या मुलाने जे केलं ते मराठा समाजासाठी केलं त्यामुळे त्याला सोडावं, असं मंगेश साबळे यांच्या आईने म्हटलं आहे.
Gunaratna Sadavarte commented on Maratha Reservation
प्रसार माध्यमांशी बातचीत करत असताना मंगेश साबळे यांच्या आई (चंद्रकला साबळे) म्हणाल्या, “माझ्या मुलाने काही फार मोठा गुन्हा केलेला नाही. तो फक्त आणि फक्त मराठा समाजासाठी (Maratha Reservation) लढत आहे.
त्याला न्याय हवा आहे, त्यामुळे त्याला न्याय मिळाला पाहिजे. गुणरत्न सदावर्ते यांची गाडी फोडून त्याने काही मोठा गुन्हा केलेला नाही. यासाठी त्याला अटक झाली आहे.
परंतु, त्याला सोडून द्यायला हवं. कारण त्याचा गुन्हा काही एवढा मोठा नाही. समाजासाठी तो उपोषण करत आहे. मराठा समाजासाठी (Maratha Reservation) तो लढत आहे.”
Sanjay Gaikwad commented on Gunaratna Sadavarte
दरम्यान, या प्रकरणावरून संजय गायकवाड (Sanjay Gaikwad) यांनी गुणरत्न सदावर्ते यांच्यावर शाब्दिक हल्लाबोल चढवला आहे. ते म्हणाले, “गुणरत्न सदावर्ते यांच्या नालायकपणामुळे मराठा समाजाचं (Maratha Reservation) आरक्षण हिरावून घेतलं गेलं.
त्यावेळी त्यांनी अत्यंत प्रखरपणे मराठा समाजाच्या आरक्षणाच्या विरोधात कोर्टात बाजू मांडली. त्यामुळे त्यांच्या गाडीची तोडफोड, ही अत्यंत कमी शिक्षा आहे. त्यांच्या गाडी ऐवजी त्यांना संपवायला हवं होतं. ते संपले असते तर मराठा आरक्षणाचा (Maratha Reservation) मार्ग मोकळा झाला असता.”
महत्वाच्या बातम्या
- Maratha Reservation | गुणरत्न सदावर्ते यांना संपवायला पाहिजे – संजय गायकवाड
- Maratha Reservation | राजकारण्यांच्या गावबंदीला शिंदे गटाच्या माजी मंत्री अब्दुल सत्तारांचा विरोध
- Maratha Reservation | मनोज जरांगेंचे लाड थांबवले नाही तर मी उपोषण करेल; गुणरत्न सदावर्ते आक्रमक
- Maratha Reservation | स्वतःची ओबीसीतून सोय करणारे राधाकृष्ण विखे पाटलांचा मराठ्यांच्या आरक्षणाला विरोध
- Maratha Reservation | मराठा आरक्षणावरून राजकीय वातावरण तापलं; आरक्षणासाठी शिंदे गटातील नेत्यांने दिला राजीनामा
