iPhone 18 Pro: ९ सप्टेंबरला ॲपलचा मोठा इव्हेंट; बाजारात येणार पहिलावहिला फोल्डेबल आयफोन?

पुणे– आयफोनप्रेमींचा यंदाचा ‘टेकसप्टेंबर’ खऱ्या अर्थाने गाजणार आहे. कारण, ॲपलने त्यांच्या बहुचर्चित iPhone 18 Pro लाँच इव्हेंटची अधिकृत घोषणा केलीय. विशेष म्हणजे, यावेळी रेग्युलर आयफोन १८ बाबत कोणतीही चर्चा नाही. संपूर्ण फोकस फक्त आणि फक्त प्रीमियम मॉडेल्सवर असणार आहे.

पण, या सगळ्यात खरी उत्सुकता आहे ती, ॲपल आपला पहिला फोल्डेबल फोन याच इव्हेंटमध्ये लाँच करणार असल्याची बाजारात जोरदार चर्चा आहे. या मॉडेलचं नाव ‘Ultra’ असू शकतं. त्यामुळे सॅमसंग आणि गुगलचं नक्कीच टेन्शन वाढणार. हा इव्हेंट बुधवार, ९ सप्टेंबर २०२६ रोजी होणार आहे. भारतात तो रात्री साडेदहा वाजता युट्यूब आणि ॲपलच्या इव्हेंट पेजवर मोफत लाईव्ह पाहता येईल.

iPhone 18 Pro चे भन्नाट फीचर्स 

यंदा आयफोनमध्ये नेमकं काय नवं असेल?

सूत्रांनी दिलेल्या माहितीनुसार, प्रो मॉडेलमध्ये ६.३ इंचांचा आणि प्रो मॅक्समध्ये ६.९ इंचांचा रेटिना डिस्प्ले मिळणार आहे. यात १२० हर्ट्झचा प्रोमोशन स्क्रीन असेल. हे फोन्स अतिशय वेगवान ‘A20 Pro’ चिपसेटवर चालतील. ॲपलचे अत्याधुनिक एआय (AI) फीचर्स सहज चालवण्यासाठी यात तब्बल १२ जीबी रॅम दिली जाणार आहे. सोबतच नव्या ‘iOS 27’ प्रणालीचा जलद अनुभवही युजर्सना घेता येईल.

कॅमेराप्रेमींसाठी तर ही मोठी ट्रीट

प्रो मॅक्स मॉडेलमध्ये ‘व्हेरिएबल अपर्चर’ लेन्स मिळण्याची दाट शक्यता आहे. म्हणजे काय? तर, सेन्सरपर्यंत किती प्रकाश पोहोचू द्यायचा, यावर तुमचं थेट नियंत्रण राहील. थोडक्यात सांगायचं तर, कोणत्याही लाईटमध्ये एकदम क्लिअर आणि डिटेल फोटो येतील. यात बॅटरी मोठी असेल, त्यामुळे डिझाईन स्लिम नसली तरी पॉवर इफिशियन्सीमुळे दमदार बॅटरी लाईफ नक्कीच मिळेल.

iPhone 18 Pro ची किंमत किती?

ॲपलने किंमतीत मोठी वाढ केल्याचं बोललं जातंय. भारतात iPhone 18 Pro ची सुरुवात साधारण १ लाख ५० हजारांपासून होऊ शकते. तर, प्रो मॅक्स मॉडेलसाठी खिशाला आणखी २० हजारांची कात्री लागू शकते. या जागतिक इव्हेंटची थीम ‘Surprise and Shine’ अशी आहे. पण, चीनमधील इन्व्हाईटमध्ये ‘folds’ हा शब्द वापरल्याने चर्चांना उधाण आलंय.

📌 महत्वाच्या बातम्या

• बॉलिवूडमध्ये घराणेशाहीचा मुद्दा कुणी आणला? अर्शद वारसीने थेट नाव घेत केला मोठा खुलासा!
• ‘RSS मुळेच भाजप सत्तेत’; अभिजीत दीपकेंचा सरकारवर जोरदार हल्लाबोल
• मुंबई महापालिकेत सत्ता बदलणार? शिंदे गटाचं ‘मिशन टायगर’ सक्रिय