🕒 1 min read
IND vs NZ Final: विश्वचषकाची फायनल अवघ्या एका खेळपट्टीच्या रंगावर ठरणार आहे, हे तुम्हाला माहीत आहे का? रविवारी अहमदाबादच्या नरेंद्र मोदी स्टेडियमवर जेव्हा IND vs NZ T20 World Cup 2026 Final चा थरार सुरू होईल, तेव्हा नजरा खेळाडूंपेक्षा खेळपट्टीवर जास्त असतील.
अहमदाबादच्या या जगातल्या सर्वात मोठ्या स्टेडियमवर एकूण ११ खेळपट्ट्या आहेत. यात काळ्या मातीच्या आणि लाल मातीच्या खेळपट्ट्यांचा समावेश आहे. सूत्रांनुसार, रविवारी फायनलसाठी कोणती खेळपट्टी वापरली जाणार, यावरच विश्वचषकाचा विजेता ठरू शकतो. दोन्ही संघांचे कर्णधार आणि कोच सध्या याच एका गोष्टीवरून टेन्शनमध्ये आहेत.
IND vs NZ World Cup Final 2026
जर सामना काळ्या मातीच्या (Black Soil) खेळपट्टीवर झाला, तर चेंडू बॅटवर अतिशय चांगला येतो. अशा स्थितीत तुफान फॉर्ममध्ये असलेला संजू सॅमसन आणि न्यूझीलंडचा फिन ऍलन धावांचा पाऊस पाडू शकतात. इथे २०० च्या वरचा स्कोर सहज शक्य आहे.
पण जर क्युरेटरने लाल मातीची (Red Soil) खेळपट्टी निवडली, तर मात्र फिरकीपटूंची चांदी होईल. तिथे चेंडू जास्त टर्न घेतो, त्यामुळे भारताचा कुलदीप यादव किंवा न्यूझीलंडचा मिचेल सँटनर फलंदाजांची अक्षरशः भंबेरी उडवू शकतात.
यात आणखी एक मोठा फॅक्टर आहे तो म्हणजे ‘दव’ (Dew Factor). संध्याकाळी ७ वाजता सुरू होणाऱ्या या डे-नाईट सामन्यात दुसऱ्या डावात दव पडण्याची दाट शक्यता असते. दव पडल्यावर गोलंदाजांना चेंडू ग्रिप करणं कठीण जातं.
थोडक्यात सांगायचं तर, इथे ‘टॉस’ हाच खरा गेमचेंजर ठरणार आहे. जो कर्णधार नाणेफेक जिंकेल, तो डोळे झाकून आधी गोलंदाजीचा निर्णय घेईल आणि लक्ष्याचा पाठलाग करणं पसंत करेल. आता १ लाख ३२ हजार प्रेक्षकांसमोर सूर्या टॉस जिंकतो की सँटनर, याकडेच सगळ्यांचं लक्ष लागलं आहे!
📌 महत्वाच्या बातम्या
बातम्यांसाठी YouTube चॅनेल Subscribe करा
Subscribe Now
