🕒 1 min read
IND vs NZ Final: रविवारी अहमदाबादमध्ये पाऊस पडला आणि IND vs NZ फायनल रद्द झाली तर काय होईल? विश्वचषकाची ट्रॉफी कोणाला मिळणार? हा प्रश्न सध्या प्रत्येक भारतीय क्रिकेट चाहत्याला सतावतोय. टी-२० विश्वचषक २०२६ च्या या महामुकाबल्यासाठी संपूर्ण देश श्वास रोखून वाट पाहत आहे, पण ऐन वेळी हवामानाने दगा दिला तर काय, यावर आयसीसीने (ICC) मोठा खुलासा केला आहे.
सर्वात पहिली आणि आनंदाची बातमी म्हणजे, आयसीसीने फायनलसाठी ९ मार्च (सोमवार) हा ‘राखीव दिवस’ (Reserve Day) ठेवला आहे. पण इथेच खरा ट्विस्ट आहे! साखळी सामन्यांमध्ये ५ षटकांचा खेळ ग्राह्य धरला जातो, मात्र नॉकआऊट आणि फायनलच्या नियमानुसार, सामन्याचा निकाल लावण्यासाठी दोन्ही संघांना किमान १०-१० षटके खेळणे बंधनकारक आहे. जर रविवारी पावसामुळे १० षटकांचाही खेळ होऊ शकला नाही, तर सामना सोमवारी जिथे थांबला तिथूनच पुढे सुरू होईल.
IND vs NZ World Cup Final 2026
पण समजा, रविवारी आणि राखीव दिवशीही (सोमवारी) पाऊस थांबलाच नाही आणि मॅच पूर्णपणे रद्द करावी लागली तर? अशा परिस्थितीत सुपर ओव्हर किंवा रनरेट पाहिला जाणार नाही. आयसीसीच्या सर्वात मोठ्या आणि कडक नियमानुसार, भारत आणि न्यूझीलंड या दोन्ही संघांना ‘संयुक्त विजेता’ (Joint Winners) घोषित केले जाईल! म्हणजेच एकाच विश्वचषकाचे दोन विजेते ठरतील. क्रिकेटच्या इतिहासात २००२ च्या चॅम्पियन्स ट्रॉफीमध्ये भारत आणि श्रीलंका यांना असेच संयुक्त विजेते घोषित करण्यात आले होते.
फायनलच्या या थरारापूर्वी अहमदाबादच्या नरेंद्र मोदी स्टेडियमवर एक महाकाय समारोप सोहळा म्हणजेच ‘क्लोजिंग सेरेमनी’ (Closing Ceremony) होणार आहे.
त्यानंतर संध्याकाळी ७:०० वाजता सूर्यकुमार यादवची सेना न्यूझीलंडशी दोन हात करण्यासाठी मैदानात उतरेल. आता रविवारी पावसाने विश्रांती घ्यावी आणि रिकी मार्टिनच्या जलव्यानंतर टीम इंडियाने ट्रॉफी उचलावी, हीच प्रार्थना सर्वजण करत आहेत!
📌 महत्वाच्या बातम्या
- सूर्यकुमार यादवची मोठी खेळी! IND vs NZ Final च्या ‘प्लेईंग ११’ मधून २ स्टार खेळाडूंचा पत्ता कट?
- IND vs ENG T20 WC : संजू सॅमसनच्या ‘मॅन ऑफ द मॅच’वर इरफान पठाणचा आक्षेप; थेट नाव घेत म्हणाला……
- IND vs NZ T20 WC : फायनलआधीच ऑस्ट्रेलियन दिग्गजाचा गौप्यस्फोट; भारताच्या विजयात ‘तो’ टाकणार मिठाचा खडा?
बातम्यांसाठी YouTube चॅनेल Subscribe करा
Subscribe Now
