🕒 1 min read
शेअर बाजार आपटला की सोन्याला नेहमीच झळाळी मिळते, हा आजवरचा बाजाराचा अलिखित नियम राहिलाय. पण अर्थकारणात कधी काय होईल सांगता येत नाही, याचा प्रत्यय पुन्हा एकदा आलाय. सध्या बाजारात जे घडतंय त्याने भल्याभल्या अर्थतज्ज्ञांनाही कोड्यात टाकलंय!
गेल्या आठवड्यात इराण, इस्रायल आणि अमेरिका यांच्यात भडकलेल्या युद्धामुळे सोन्या-चांदीच्या दरांनी थेट ऐतिहासिक उच्चांक गाठला होता. मात्र, आता चित्र पूर्णपणे पालटलं असून सराफा बाजारात मोठी खळबळ उडाली आहे. अवघ्या चार दिवसांपूर्वी थेट 1 लाख 70 हजारांवर गेलेले सोने आता चक्क 10 हजार रुपयांनी स्वस्त झाले आहे. आजचा Gold-Silver Rate Today पाहिला तर सोन्याचा भाव 1 लाख 60 हजारांच्या खाली आलाय.
Gold-Silver Rate Today
तर दुसरीकडे, ग्राहकांना घाम फोडणारी चांदीही अचानक शांत झाली आहे. 2 लाख 95 हजार रुपये किलोवर पोहोचलेली चांदी थेट 69 हजार रुपयांनी आपटून 2 लाख 26 हजारांवर आली आहे. एकाच वेळी शेअर बाजार कोसळलेला असताना सोने-चांदीचे दरही घसरल्याने बाजारात मोठा गोंधळ पाहायला मिळतोय.
युद्धजन्य परिस्थितीमुळे अमेरिकेला अपेक्षेपेक्षा जास्त आर्थिक फटका बसलाय. यामुळे अमेरिकन फेडरल बँक आपला व्याजदर कपातीचा निर्णय मागे घेण्याची दाट शक्यता वर्तवली जात आहे. साहजिकच, वाढत्या व्याजदराचा फायदा घेण्यासाठी गुंतवणूकदार आता सुरक्षित परताव्यासाठी बँकांकडे वळत आहेत. त्यामुळे बाजारातील सोन्याची मागणी अचानक घटली आहे.
या मोठ्या घसरणीबाबत सुवर्ण व्यावसायिकांनी एक महत्त्वाचा इशाराही दिलाय. सध्या जरी ग्राहकांसाठी दिलासादायक चित्र असलं, तरी पुढील काळात युद्धाची तीव्रता आणखी वाढल्यास पुन्हा एकदा दरवाढीचा भडका उडू शकतो. त्यामुळे सोन्याच्या खरेदीसाठी ग्राहकांनी सावध पावलं उचलणं गरजेचं आहे.
📌 महत्वाच्या बातम्या
- इराण-अमेरिका युद्धाचा भारताला थेट फटका; नागपूरमध्ये सीएनजीच्या दरात वाढ
- IND vs NZ Final: टीम इंडिया की न्यूझीलंड? ‘हेड टू हेड’ रेकॉर्ड्स पाहून उडेल झोप!
- विजयानंतर सूर्यकुमार यादव भावूक, संजू सॅमसनबाबत म्हणाला असं काही की…
बातम्यांसाठी YouTube चॅनेल Subscribe करा
Subscribe Now
