🕒 1 min read
आंतरराष्ट्रीय राजकारणात कधी काय होईल आणि त्याचा फटका आपल्या खिशाला कसा बसेल, हे खरंच सांगता येत नाही. याचाच प्रत्यय ग्राहकांना पुन्हा एकदा आलाय.
सध्या लग्नसराईचे दिवस आहेत आणि अशातच सोनं खरेदी करणाऱ्यांसाठी एक महत्त्वाची बातमी आहे. २५ एप्रिल रोजी देशांतर्गत सराफा बाजारात Gold Silver Price मध्ये पुन्हा एकदा वाढ नोंदवली गेली आहे. मध्यपूर्वेत सुरू असलेला संघर्ष आणि अमेरिका-इराणमधील वाढत्या तणावामुळे जागतिक बाजारपेठेत अक्षरशः खळबळ उडाली आहे.
Gold Silver Price Today
गुंतवणूकदार सध्या धास्तावले असून त्यांनी सुरक्षित पर्याय म्हणून सोन्या-चांदीकडे ()Gold Silver) आपला मोर्चा वळवला आहे. मल्टी कमोडिटी एक्सचेंजवर (MCX) सोने आणि चांदीच्या दरात मोठी तेजी पाहायला मिळाली. ताज्या आकडेवारीनुसार, मे डिलिव्हरीच्या चांदीच्या दरात १.३८ टक्क्यांची वाढ होऊन ती २,४४,८४५ रुपये प्रति किलोवर पोहोचली आहे. तर सोन्यात ०.७० टक्क्यांची वाढ झालीय. हे आकडे सामान्य ग्राहकांची चिंता नक्कीच वाढवणारे आहेत.
राजधानी दिल्ली आणि मुंबईत २४ कॅरेट सोन्याचा भाव १ लाख ५४ हजारांच्या पार गेला आहे. मुंबईत २२ कॅरेटसाठी १,४१,२०० रुपये मोजावे लागत आहेत. चेन्नईमध्ये २४ कॅरेट सोन्याचा दर १,५४,९१० रुपये इतका आहे. दुसरीकडे, मुंबई आणि दिल्लीत १०० ग्रॅम चांदीसाठी २६,००० रुपये मोजावे लागत आहेत. आंतरराष्ट्रीय बाजारात ‘Comex’ वरही सोन्याचे दर वधारले आहेत.
आता प्रश्न पडतो की गुंतवणूक करायची तर कशी? तज्ज्ञांच्या मते, भविष्यातील फायद्याचा विचार केल्यास ९९.९ टक्के शुद्ध असलेले २४ कॅरेट सोने हाच गुंतवणुकीचा सर्वोत्तम पर्याय आहे. मात्र, तुम्हाला दागिन्यांची हौस असेल, तर २२ कॅरेट सोनेच फायद्याचे ठरते. कारण २४ कॅरेट सोने खूप मऊ असल्याने त्यापासून दागिने घडवता येत नाहीत. भू-राजकीय तणावामुळे या दरांमध्ये आणखी चढ-उतार होऊ शकतात, त्यामुळे खरेदीपूर्वी बाजाराचा अंदाज नक्की घ्या.
📌 महत्वाच्या बातम्या
- राखी सावंतच्या ‘त्या’ आरोपांवर दिपाली सय्यद संतापली! घराबाहेर येताच सोडलं मौन, म्हणाली…
- साईचं ‘सुदर्शन चक्र’ अन् आरसीबीचा धुव्वा; युनिव्हर्स बॉस ख्रिस गेलचा ऐतिहासिक रेकॉर्ड एका झटक्यात उद्ध्वस्त!
- हरभजन सिंगची राजकीय ‘गुगली’; ‘आप’ला रामराम ठोकत उचललं ‘हे’ धक्कादायक पाऊल!
बातम्यांसाठी YouTube चॅनेल Subscribe करा
Subscribe Now
