🕒 1 min read
लातूर- राजकारणात शब्दांचे बाण सुटतात, पण जनता त्याचं उत्तर मतांतून देते, याचा प्रत्यय आज लातूरमध्ये आला आहे. “लातूर नक्की कुणाचं?” असा सवाल उपस्थित करत भाजप नेते रवींद्र चव्हाण (Ravindra Chavan) यांनी निवडणुकीच्या काळात लातूरचं राजकारण तापवलं होतं. पण आज निकाल लागला आणि लातूरकरांनी पुन्हा एकदा ‘हात’ उंचावत काँग्रेसला एकहाती सत्ता दिली. या दणदणीत विजयानंतर आमदार Dhiraj Deshmukh यांनी सोशल मीडियावर शेअर केलेल्या एका व्हिडिओने सध्या राजकीय वर्तुळात मोठी ‘खळबळ’ उडवून दिली आहे.
निकाल जाहीर होताच धीरज देशमुख यांनी त्यांचे वडील आणि दिवंगत नेते विलासराव देशमुख (Vilasrao Deshmukh) यांचा एक जुना पण अत्यंत गाजलेला व्हिडिओ ट्विट केला. या व्हिडिओमध्ये विलासराव आपल्या खास शैलीत विरोधकांना ठणकावून सांगताना दिसत आहेत. ते म्हणतात, “अनेकांनी प्रयत्न केले काँग्रेस संपवायचे… ते संपले, पण काँग्रेस नाही संपली! लोकांची चळवळ म्हणजे काँग्रेस आहे.” विलासरावांचे हे शब्द म्हणजे रवींद्र चव्हाणांना दिलेले हे एक सूचक आणि खणखणीत उत्तर मानले जात आहे.
निवडणुकीच्या प्रचारात भाजपने काँग्रेसचा हा बालेकिल्ला उध्वस्त करण्यासाठी पूर्ण ताकद लावली होती. पण निकालानंतर हे स्पष्ट झालंय की, ‘लातूर विलासरावांचंच आहे’. धीरज देशमुख (Dhiraj Deshmukh) यांनी हा व्हिडिओ शेअर करताना कॅप्शनमध्ये म्हटलंय, “धन्यवाद लातूरकर, तुमच्या प्रेमाला व विश्वासाला तोड नाही.”
सध्या हा व्हिडिओ सोशल मीडियावर तुफान व्हायरल होत आहे. विलासराव देशमुख आज हयात नसले तरी त्यांचे विचार आणि लातूरकरांशी असलेलं त्यांचं नातं आजही तितकंच घट्ट आहे, हेच या निकालातून (Latur Election Result) आणि धीरज देशमुखांच्या या पोस्टमधून पुन्हा एकदा अधोरेखित झालं आहे. विरोधक काहीही बोलले तरी लातूरचा गड अभेद्य आहे, असाच मेसेज देशमुखांनी या व्हिडिओतून दिला आहे.
Dhiraj Deshmukh Tweet Vilasrao Deshmukh Video
📌 महत्वाच्या बातम्या
- पुण्यात भयंकर राडा! रूपाली ठोंबरे पाटील थेट गेटवरच चढल्या; पोलिसांची तारांबळ, व्हिडिओ व्हायरल
- Rupali Thombare Patil: ‘मशिन्स बदलल्यात, हे मतदान कुणाचं?’ रुपाली ठोंबरेंचा रुद्रावतार; मतमोजणी रोखली!
- आमदारपुत्राचा ११ हजार मतांनी विजय, पण ‘ती’ तुरुंगातून जिंकली! सोलापुरात भाजपचा ‘धक्का’
बातम्यांसाठी YouTube चॅनेल Subscribe करा
Subscribe Now
