Chhatro Ki Gunj: पुण्याचा ऐतिहासिक शनिवारवाडा आता थेट छत्रपती संभाजीनगरमध्ये गेलाय, तर तुमचा विश्वास बसेल? अर्थातच नाही! पण महाराष्ट्र काँग्रेसच्या सोशल मीडिया टीमचा यावर पूर्ण विश्वास असल्याचं दिसतंय.
राहुल गांधींच्या ‘छात्रों की गूंज’ कार्यक्रमाला पुण्यात नुकतंच मोठं यश मिळालं. त्यानंतर ‘पुढची गूंज कुठे?’ असा सवाल करत काँग्रेसने एक ग्राफिक पोस्टर शेअर केलं. पण याच एका पोस्टरने आता काँग्रेसची मोठी राजकीय फजिती केली आहे.
Congress Chhatro Ki Gunj Poster Blunder:
५२ दरवाजांच्या शहरात लावला पुण्याचा शनिवारवाडा!
या पोस्टरमध्ये मुंबई, नागपूर, नाशिक आणि छत्रपती संभाजीनगर असे चार पर्याय देण्यात आले होते. पण खरी गोम इथेच होती. डिझायनरने छत्रपती संभाजीनगरच्या नावाखाली चक्क पुण्याच्या शनिवारवाड्याचा फोटो छापला! एवढंच नाही, तर नाशिकच्या जागी थेट उत्तर प्रदेशातील काशीचे घाट दाखवल्याचीही चर्चा रंगली.
५२ दरवाजांचं शहर म्हणून ओळखल्या जाणाऱ्या संभाजीनगरमध्ये बीबी का मकबरा, देवगिरीचा किल्ला अशा अनेक वास्तू आहेत. तरीही भूगोलाचा आणि इतिहासाचा असा भयंकर गोंधळ उडाल्याने नेटकऱ्यांनी काँग्रेसला सोशल मीडियावर चांगलंच धारेवर धरलं.
अखेर जोरदार ट्रोलिंग सुरू झाल्यानंतर काँग्रेसला आपली मोठी चूक लक्षात आली. त्यांनी तातडीने ते जुनं ट्विट डिलीट करून टाकलं आहे. तसेच, आता छत्रपती संभाजीनगरच्या नावासमोर ‘डॉ. बाबासाहेब आंबेडकर मराठवाडा विद्यापीठाच्या’ (BAMU) गेटचा फोटो लावून त्यांनी नवं दुरुस्त केलेलं पोस्टर शेअर केलं आहे.
📌 महत्वाच्या बातम्या
- काँग्रेसच्या ‘छात्रों की गूंज’ पोस्टरमध्ये मोठी गल्लत; छत्रपती संभाजीनगरला दाखवला चक्क ‘शनिवारवाडा’!
- ‘सरकारला झोपेतून जागं करावं लागेल’; स्मार्ट मीटरविरोधात रोहित पवारांचा एल्गार
- रुपाली चाकणकरांचा ओटीटीवर दबाव, मानसिक छळ; दिपाली सय्यद यांचा मोठा गौप्यस्फोट
बातम्यांसाठी YouTube चॅनेल Subscribe करा
Subscribe Now
