मुंबई – घरातील भांडणं, ग्रुपिझम, टास्कमधील राडा आणि वीकेंडला होणारी शाळा… हे सगळं मिस करत आहात ना? मग तयार राहा, कारण महाराष्ट्राच्या मनोरंजनाचा ‘बाप’ परत येतोय! ‘बिग बॉस मराठी’च्या चाहत्यांची उत्सुकता आता शिगेला पोहोचली आहे, कारण अखेर शोची तारीख जाहीर झाली आहे.
गेल्या पर्वात ज्यांनी आपल्या खास स्टाईलने स्पर्धकांची शाळा घेतली, ते रितेश देशमुख (Riteish Deshmukh) पुन्हा एकदा ‘बिग बॉस मराठी’च्या सहाव्या पर्वाचं (Bigg Boss Marathi 6) सूत्रसंचालन करण्यासाठी सज्ज झाले आहेत. येत्या ११ जानेवारी २०२६ पासून रोज रात्री ८ वाजता ‘कलर्स मराठी’ आणि ‘JioHotstar’ वर मनोरंजनाचा हा महासंग्राम सुरू होणार आहे.
Bigg Boss Marathi 6 Riteish Deshmukh
हा सीझन नेहमीसारखा नसेल. यावेळी बिग बॉसचं घर पूर्णपणे नव्या रूपात आणि नव्या रचनेत प्रेक्षकांसमोर येणार आहे. “दार उघडणार… नशिबाचा गेम पालटणार!” अशी या पर्वाची टॅगलाईन असून, प्रत्येक दारामागे स्पर्धकांसाठी नवीन आव्हानं असणार आहेत.
सूत्रांनी दिलेल्या माहितीनुसार, यावेळी १३,००० स्क्वेअर फुटांच्या या भव्य घरात एक-दोन नाही, तर तब्बल १६ हून अधिक स्पर्धक बंदिस्त होणार आहेत. विशेष म्हणजे, यात २१ वर्षांच्या तरूणांपासून ते ५५ वर्षांच्या अनुभवी व्यक्तींपर्यंत सर्वांचा भरणा असणार आहे. त्यामुळे ‘जनरेशन गॅप’मुळे होणारे वाद आणि संवाद पाहण्यासारखे असतील, अशी माहिती दिग्दर्शक सतीश राजवाडे यांनी दिली आहे.
१०० हून अधिक कॅमेऱ्यांच्या नजरकैदेत हे स्पर्धक तब्बल १०० दिवस घालवणार आहेत. रितेश भाऊ म्हणाला त्याप्रमाणे, “यंदा कुठलं दार कुणाचं नशीब उघडेल हे सांगता येत नाही.” त्यामुळे आता ११ जानेवारीला घरात कोणकोणते चेहेरे दिसणार, याकडे सर्वांचे लक्ष लागले आहे.
📌 महत्वाच्या बातम्या
- ‘बॉर्डर 2’ मध्ये वरुण धवनची हिरोईन कोण? तिच्या घरात ३ पिढ्यांनी घातलीये वर्दी; सत्य जाणून कराल सलाम!
- प्रसिद्ध अभिनेत्रीच्या खरंच अंगात आलं होतं? ‘त्या’ व्हायरल व्हिडिओवर सुधा चंद्रन यांचा संताप
- “अजितदादा, ७० हजार कोटींचा निकाल अजून बाकी…”; बावनकुळेंचा तो इशारा आणि महायुतीत खळबळ!
