प्रतिनिधी, 12 नोव्हेंबर: एसीसी मेन्स अंडर १९ आशिया कप स्पर्धेत ‘ज्युनिअर सेहवाग’ अर्थात आर्यवीर सेहवागने यूएईविरुद्ध १६० धावांची वादळी खेळी करत टीम इंडियाला विजय मिळवून दिला. मात्र, या ऐतिहासिक खेळीनंतरही अवघ्या १२ धावांसाठी त्याला वैभव सूर्यवंशीचा विक्रम मोडण्याची मोठी संधी हुकली आहे.
आर्यवीरने यूएईविरुद्ध खेळताना १६८ चेंडूंत १७ चौकार आणि ७ षटकारांच्या मदतीने १६० धावा कुटल्या. या कामगिरीच्या बळावर तो अंडर-१९ आशिया कपमध्ये भारतासाठी तिसरी सर्वोच्च खेळी करणारा फलंदाज ठरला. त्याने आणखी १२ धावा केल्या असत्या, तर सर्वाधिक धावांच्या यादीत त्याने भारताच्या वैभव सूर्यवंशीला (१७१ धावा) मागे टाकले असते.
या स्पर्धेत पहिल्या क्रमांकावर पोहोचण्याची संधी आर्यवीरला होती, मात्र हा मोठा विक्रम अभिज्ञान कुंडूच्या नावावर आहे, ज्याने गेल्या वर्षी २०९ धावांची खेळी केली होती. या यादीत अभिज्ञाननंतर बांगलादेशचा सोम्या सरकार (२०९), पाकिस्तानचा समीर मिन्हास (१७७ नाबाद), कुवेतचा मीत भावसार (१७५ नाबाद), समीर मिन्हास (१७५ नाबाद), भारताचा वैभव सूर्यवंशी (१७१) आणि यूएईचा अयान मिसबाह (१६३) यांचा क्रमांक लागतो. या क्रमवारीत १६० धावांसह आर्यवीर आठव्या स्थानावर आहे.
दरम्यान, या स्पर्धेतील दुसरा उपांत्य फेरीचा (सेमी फायनल) सामना आज भारत आणि अफगाणिस्तान या दोन संघांमध्ये रंगणार आहे. या लढतीत अफगाणिस्तानचा पराभव केल्यास टीम इंडिया थेट अंतिम फेरीत (फायनल) धडक मारेल.
📌 महत्वाच्या बातम्या
- संजय राऊतांच्या वक्तव्यावर चंद्रशेखर बावनकुळेंचा पलटवार; आदिवासी योजनांचीही दिली माहिती
- इंग्लंड संघात दोन मोठे बदल; ऑस्ट्रेलियाविरुद्धच्या एकदिवसीय मालिकेतून जेकब बेथेल आणि जोश टंग बाहेर
- विलीनीकरणाच्या चर्चेवर सुनेत्रा पवारांचे सूचक वक्तव्य; म्हणाल्या, ‘जशी वेळ येईल तशा…’
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
