प्रतिनिधी, 10 ऑक्टोबर: मुख्य निवडणूक आयुक्त ज्ञानेश कुमार यांच्याविरोधात कॉकरोच जनता पार्टीने (सीजेपी) दिल्लीतील जंतरमंतर येथे पुकारलेल्या आंदोलनाचे नेतृत्व आता अजिंक्य शिंदे करणार आहेत. सीजेपीचे संस्थापक अभिजीत दीपके यांच्यासह आशुतोष रांका आणि सौरभ दास यांना पोलिसांनी ताब्यात घेतल्यानंतर हा बदल समोर आला आहे.
या आंदोलनात सहभागी होण्यासाठी देशभरातून हजारो लोक दिल्लीत जमा झाले आहेत. मात्र, प्रत्यक्ष आंदोलन सुरू होण्यापूर्वीच दीपके, रांका आणि दास यांना पोलिसांनी विमानातूनच ताब्यात घेतले. अटकेची शक्यता गृहीत धरून दीपके यांनी आदल्या रात्रीच एक व्हिडीओ रेकॉर्ड करून ठेवला होता, जो १० ऑक्टोबर २०२६ रोजी सीजेपीच्या सोशल मीडियावरून प्रसारित करण्यात आला.
या व्हिडीओच्या माध्यमातून दीपके यांनी स्पष्ट केले आहे की, जर या तिघांना पोलिसांनी अटक केली, तर दिल्लीतील आंदोलनाचे नेतृत्व अजिंक्य शिंदे (Ajinkya Shinde) हेच करतील. जोपर्यंत ते तिघे बाहेर येत नाहीत, तोपर्यंत शिंदे हेच आंदोलनाचे प्रमुख असतील. तसेच, सर्व कार्यकर्त्यांनी अजिंक्य शिंदे यांच्या सूचनांचे पालन करावे, असे आवाहनही दीपके यांनी केले आहे.
या नव्या जबाबदारीमुळे अजिंक्य शिंदे कोण आहेत, याची चर्चा सुरू झाली आहे. मूळचे महाराष्ट्रातील असलेले अजिंक्य शिंदे हे सीजेपीच्या कार्यकारिणीचे सदस्य आहेत. त्यांच्याकडे पक्षाच्या राष्ट्रीय संघटन प्रभारीपदाची महत्त्वाची जबाबदारी आहे.
पक्ष संघटनेचा विस्तार करणे, सीजेपीच्या कार्यकर्त्यांमध्ये समन्वय राखणे आणि विविध क्षेत्रांमध्ये पक्षाची टीम उभी करण्याचे काम ते पाहतात. ऑगस्ट २०२६ मध्ये सीजेपीने आपली कार्यकारिणी जाहीर केली होती. त्यामध्ये अभिजीत दीपके यांची राष्ट्रीय संयोजक आणि अजिंक्य शिंदे यांची राष्ट्रीय संघटन प्रभारी म्हणून नियुक्ती करण्यात आली होती. आता दीपके यांच्या अनुपस्थितीत शिंदेंच्या नेतृत्वात दिल्लीतील हे आंदोलन कसे पुढे जाते, हे पाहणे महत्त्वाचे ठरणार आहे.
📌 महत्वाच्या बातम्या
- दिल्लीतील सीजेपी आंदोलनावरील कारवाईवरून राज ठाकरेंचा संताप; मोदी-शहांना दिला थेट इशारा
- नाना पाटेकरांच्या मृत्यूचं खरं कारण समोर; पोस्टमॉर्टेम रिपोर्टमधून मोठा खुलासा
- कतरिना कैफचा ग्लॅमरस लूक चर्चेत; वाढलेल्या वजनावरून ट्रोल करणाऱ्यांची बोलती बंद
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
