🕒 1 min read
मुंबई – साधारणपणे आपली कोणी नक्कल केली की, बॉलीवूडच्या बड्या स्टार्सचा पारा चढतो. पण आमिर खान (Aamir Khan) मात्र याला अपवाद ठरलाय. ‘द ग्रेट इंडियन कपिल शो’मध्ये (The Great Indian Kapil Show) कॉमेडियन सुनील ग्रोव्हरने (Sunil Grover) आमिर खानची अशी काही हुबेहूब नक्कल केली की, खुद्द आमिरलाही हसू आवरलं नाही. या व्हायरल ऍक्टवर आमिरने पहिली प्रतिक्रिया दिली असून, “मी इतका हसलो की माझा श्वासच कोंडला होता,” अशी कबुली त्याने दिली आहे.
Aamir Khan Reaction on Sunil Grover mimicry
नेमकं काय घडलं?
कपिल शर्माच्या शोमध्ये नुकतेच कार्तिक आर्यन आणि अनन्या पांडे पाहुणे म्हणून आले होते. यावेळी सुनील ग्रोव्हरने आमिर खानचा गेटअप करून एंट्री घेतली. आमिरची देहबोली, बोलण्याची पद्धत, ‘ओ तेरी’ म्हणायची स्टाईल आणि पापाराझींसोबतचं त्याचं वागणं… हे सगळं सुनीलने (Sunil Grover) इतकं तंतोतंत उतरवलं की प्रेक्षक पोट धरून हसले.
आमिर काय म्हणाला?
आमिर म्हणाला, “मी ती क्लिप पाहिली आणि अवाक झालो. मी याला नक्कल (Mimicry) म्हणणारच नाही. ते इतकं नैसर्गिक होतं की मला वाटलं मी स्वतःलाच बघतोय. सुनीलचं टायमिंग पाहून मी इतका हसलो की मला श्वास घेणंही कठीण झालं होतं.” सुनीलच्या ऍक्टमध्ये कोणताही वाईट हेतू (Malice) नव्हता, फक्त निखळ मनोरंजन होतं, असंही आमिरने (Aamir Khan) स्पष्ट केलं.
लग्नाचे जोक्स अन् आमिरची दाद सुनीलने फक्त आमिरची चालण्याची स्टाईलच कॉपी केली नाही, तर त्याच्या लग्नावर आणि ‘ओ तेरी’ डायलॉगवर केलेले जोक्सही आमिरला प्रचंड आवडले. “त्या ऍक्टवर सर्वात जास्त जर कोणी हसलो असेल, तर तो मीच आहे,” असं सांगत आमिरने सुनील ग्रोव्हरच्या टॅलेंटला सलाम ठोकला आहे. सध्या सोशल मीडियावर हा व्हिडिओ धुमाकूळ घालत असून, आमिरच्या या खिलाडूवृत्तीचं नेटकरी कौतुक करत आहेत.
📌 महत्वाच्या बातम्या
- संभाजीनगरमध्ये भाजपचा ‘गेम’; २२ बंडखोरांची थेट हकालपट्टी! ११ जण शिंदेंच्या गळाला, तर ‘जुने’ पुन्हा रिंगणात
- खुर्चीची नशाच न्यारी! मनपा आखाड्यात तब्बल ९७ ‘जुने’ पैलवान पुन्हा रिंगणात; भाजपचा मोठा ‘गेम’
- बँका सलग ३ दिवस बंद? ग्राहकांनो ‘अलर्ट’ राहा; ‘या’ तारखेपूर्वीच उरकून घ्या महत्त्वाची कामं!
बातम्यांसाठी YouTube चॅनेल Subscribe करा
Subscribe Now
