प्रतिनिधी, 12 नोव्हेंबर: जगातील सर्वात मोठी टेक कंपनी असलेल्या ‘एनव्हिडिया’चे (Nvidia) विद्यमान सीईओ जेनसन हुआंग यांच्या एका चिनी महिलेसोबतच्या कथित प्रेमसंबंधांमुळे कंपनी सध्या चर्चेत आली आहे. त्यांच्यावर सुरू असलेल्या चौकशीत ते दोषी आढळल्यास कंपनीचे नेतृत्व कुणाकडे जाणार, यावर चर्चा सुरू झाली असून यात भारतीय वंशाचे माजी वरिष्ठ अधिकारी जय पुरी यांचे नाव आघाडीवर आहे.
जेनसन हुआंग यांच्या नेतृत्वावर कंपनीच्या संचालक मंडळाने सध्या तरी विश्वास व्यक्त केला आहे. तसेच, सीईओ बदलण्याचा कोणताही अधिकृत निर्णय अद्याप समोर आलेला नाही. मात्र, या सर्व घडामोडींच्या पार्श्वभूमीवर पाश्चात्य माध्यमांमध्ये कंपनीच्या नव्या पिढीतील नेतृत्वासंदर्भात जोरदार चर्चा सुरू झाली आहे.
एनव्हिडियामध्ये जय पुरी हे अत्यंत जुने आणि अनुभवी अधिकारी मानले जातात. त्यांनी २००५ मध्ये कंपनीत प्रवेश केला होता. त्यानंतर २००९ मध्ये त्यांच्यावर बिझनेस आणि सेल्सची जबाबदारी देण्यात आली. कंपनीचे ग्लोबल सेल्स, बिझनेस पार्टनरशिप आणि ग्राहकांशी संबंधित कामकाज त्यांनी यशस्वीपणे सांभाळले.
त्यांनी २४ ऑगस्ट २०२६ रोजी आपल्या कार्यकारी पदावरून निवृत्ती घेतली होती. तरीही, बदलाच्या या प्रक्रियेत ते वरिष्ठ सल्लागार (सिनियर ॲडव्हायझर) म्हणून कंपनीशी पुन्हा जोडले जाणार होते. सध्या तरी एनव्हिडियाने त्यांना अधिकृतपणे सीईओ पदाचे उमेदवार म्हणून घोषित केलेले नाही.
जय पुरी यांच्या व्यतिरिक्त, कंपनीचे मुख्य आर्थिक अधिकारी (CFO) कोलेट क्रेस यांच्याकडेही एक पर्याय म्हणून पाहिले जात आहे. या शर्यतीत इयान बक, बिल डॅली, ख्रिस मालाचोव्स्की आणि डेबोरा शॉक्विस्ट यांची नावेही चर्चेत आहेत. ही सर्व मंडळी सध्या कंपनीत विविध जबाबदाऱ्या सांभाळत आहेत.
जेनसन हुआंग यांनी १९९३ मध्ये एनव्हिडियाची स्थापना केली होती. गेल्या तीन दशकांहून अधिक काळ त्यांनी कंपनीचे नेतृत्व केले आहे. कंपनीचे धोरणात्मक निर्णय आणि रणनीतीमध्ये त्यांची भूमिका अतिशय मोठी असल्याने, त्यांच्या जागी नवा उत्तराधिकारी शोधणे हे कंपनीसाठी मोठे आव्हान मानले जात आहे.
📌 महत्वाच्या बातम्या
- इंग्लंड संघात दोन मोठे बदल; ऑस्ट्रेलियाविरुद्धच्या एकदिवसीय मालिकेतून जेकब बेथेल आणि जोश टंग बाहेर
- विलीनीकरणाच्या चर्चेवर सुनेत्रा पवारांचे सूचक वक्तव्य; म्हणाल्या, ‘जशी वेळ येईल तशा…’
- नवी मुंबई: नाकाबंदीत पोलिसाला कारने उडवले, बोनेटवरून २०० मीटर फरफटत नेले; गाडीची नंबर प्लेट बनावट
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
