प्रतिनिधी, 11 नोव्हेंबर: राष्ट्रवादी काँग्रेसमधील फुटीसंदर्भात संजय राऊत यांनी केलेल्या वक्तव्याचा मंत्री चंद्रशेखर बावनकुळे यांनी खरपूस समाचार घेतला आहे. राऊतांचे हे वक्तव्य ‘उरफाटा’ असल्याची टीका बावनकुळे यांनी केली. राजकीय घडामोडींवर बोलताना त्यांनी सोनिया गांधी यांच्या पुस्तकातील दाव्यांवरून आणि काँग्रेसच्या राजकीय भूमिकेवरही तीव्र शब्दांत निशाणा साधला.
यावेळी बावनकुळे यांनी भगवान बिरसा मुंडा यांच्या जयंतीनिमित्त आदिवासी समाजासाठी राबवण्यात येणाऱ्या योजनांची सविस्तर माहिती दिली. केंद्र आणि राज्य सरकारच्या निर्णयानुसार ११ ते १८ तारखेदरम्यान ‘जनजातीय गौरव दिवस’ आणि सप्ताह साजरा करण्यात येत आहे. याअंतर्गत १५ तारखेला गडचिरोली येथे होणाऱ्या मुख्य कार्यक्रमात पंतप्रधान नरेंद्र मोदी ऑनलाईन पद्धतीने सहभागी होणार आहेत.
देवेंद्र फडणवीस यांच्या नेतृत्वाखालील सरकारने आदिवासी बांधवांना जमिनीचे मालक बनवल्याचे बावनकुळे यांनी नमूद केले. आदिवासी शेतकऱ्यांसाठी सात-बारा आणि प्रॉपर्टी कार्ड देण्याचा निर्णय अतिशय महत्त्वाचा असल्याचे त्यांनी सांगितले. तसेच, येत्या १५ डिसेंबरपर्यंत राज्यातील सर्व आदिवासी शेतकऱ्यांना त्यांच्या वहिवाटीच्या जमिनीचे कायदेशीर मालकी हक्क आणि वनपट्टे मिळवून देण्याचे आश्वासन त्यांनी दिले.
आदिवासी समाजाला मुख्य प्रवाहात आणण्यासाठी सरकार पूर्णपणे कटिबद्ध असल्याचे बावनकुळे यांनी स्पष्ट केले. याशिवाय, त्यांनी नागपूरमधील जलसंवर्धन तसेच एम-सँड (M-Sand) आणि वाळू उत्खनन धोरणांबाबतही आपली भूमिका मांडली.
📌 महत्वाच्या बातम्या
- अजित दादांनंतर पक्षाचा कोण वाली राहिलेला नाही; अंबादास दानवेंचा सरकारवर हल्लाबोल
- दोन्ही राष्ट्रवादीच्या विलिनीकरणाच्या चर्चेदरम्यान बीडमध्ये बजरंग सोनवणे आणि विजयसिंह पंडित एकत्र
- रोहित शर्मा की जसप्रीत बुमराह? हार्दिक पांड्याच्या जागी कोण घेणार MI ची कमान, फ्रेंचायझीने दिले मोठे संकेत
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
