पुणे, 13 ऑक्टोबर: उपमुख्यमंत्री सुनेत्रा पवार यांनी सोमेश्वर सहकारी साखर कारखान्याच्या निवडणुकीत निर्विवाद वर्चस्व प्रस्थापित केले आहे. अजित पवार यांच्या निधनानंतर सहकार क्षेत्रातील ही पहिलीच मोठी निवडणूक होती. यात जुन्या निष्ठावंतांनी दिलेले आव्हान मोडून काढत सुनेत्रा पवारांनी आपल्या नेतृत्वावर ठामपणे शिक्कामोर्तब केले आहे.
या कारखान्यावर १९९२ पासून अजितदादांचे वर्चस्व राहिले होते. मात्र, त्यांच्या निधनाला आठ महिनेही उलटत नाहीत तोच, त्यांचे अत्यंत जुने सहकारी आणि विद्यमान अध्यक्ष पुरुषोत्तम जगताप यांनी राष्ट्रवादी काँग्रेसमधून बाहेर पडून स्वतःचे स्वतंत्र पॅनेल उभे केले होते. दुसरीकडे शरद पवार गटाकडून युगेंद्र पवार हेही पॅनेलचे नेतृत्व करत होते. परंतु, सभासदांनी या दोन्ही पॅनेलला नाकारत सुनेत्रा पवारांच्या बाजूने कौल दिला.
या महत्त्वपूर्ण निवडणुकीत सुनेत्रा पवार यांनी प्रचाराची संपूर्ण जबाबदारी स्वतःच्या हाती घेतली होती. जय पवार यांच्या साथीने त्यांनी कारखान्याच्या कार्यक्षेत्रातील प्रत्येक गावात जाऊन सभासदांशी थेट संवाद साधला. राज्यातील सत्तेचा वापर करून कारखान्याच्या विकासाला गती देण्याचे आश्वासन त्यांनी दिले, ज्याला सभासदांनी सकारात्मक प्रतिसाद दिला.
पुरुषोत्तम जगताप यांचा कारखान्यातील मोठा अनुभव असला तरी, ऐन वेळी त्यांनी घेतलेली वेगळी राजकीय भूमिका सभासदांना रुचली नाही. अजितदादांबद्दल असलेली सहानुभूती आणि त्यांच्यावरील निष्ठा या निवडणुकीत निर्णायक ठरली. विशेष म्हणजे, उमेदवारीच्या चर्चेदरम्यान जगताप यांचा ज्यांना विरोध होता, अशा काही संचालक उमेदवारांनीही मोठ्या मताधिक्याने विजय मिळवला.
अजितदादांच्या पश्चात बारामतीच्या राजकारणात आणि सहकार क्षेत्रात सुनेत्रा पवार सक्षमपणे धुरा सांभाळू शकतात, हा स्पष्ट संदेश या निकालातून गेला आहे. सत्तेची नवी समीकरणे मांडणारा हा विजय त्यांच्या पुढील राजकीय वाटचालीसाठी एक अतिशय महत्त्वाचा टप्पा मानला जात आहे.
📌 महत्वाच्या बातम्या
- FDA मधून बदली नाही, भेसळविरोधी कारवाई सुरूच; तुकाराम मुंढेंचा सोशल मीडियावरून खुलासा
- ऋषभ पंत दुखापतीमुळे न्यूझीलंड दौऱ्यातून बाहेर; बीसीसीआयने केली युवा खेळाडूची निवड
- मुंबई, ठाण्यासह ५ जिल्ह्यांना उष्णतेच्या लाटेचा ‘यलो अलर्ट’; वाढत्या तापमानाने नागरिक हैराण
Quick Answers
उपमुख्यमंत्री सुनेत्रा पवार यांनी सोमेश्वर सहकारी साखर कारखान्याच्या निवडणुकीत निर्विवाद वर्चस्व प्रस्थापित करत बाजी मारली आहे.
अजित पवारांचे जुने सहकारी पुरुषोत्तम जगताप यांनी राष्ट्रवादी काँग्रेसमधून बाहेर पडून स्वतःचे स्वतंत्र पॅनेल उभे केले होते, तर शरद पवार गटाकडून युगेंद्र पवार एका पॅनेलचे नेतृत्व करत होते.
या कारखान्यावर १९९२ पासून अजित पवारांचे वर्चस्व राहिले होते.
निवडणूक प्रचारात सुनेत्रा पवार यांनी जय पवार यांच्या साथीने कारखान्याच्या कार्यक्षेत्रातील प्रत्येक गावात जाऊन सभासदांशी थेट संवाद साधला.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
