काही लोक एका पेगमध्येच टल्ली का होतात? तज्ज्ञांनी सांगितली ‘ही’ वैज्ञानिक कारणे

एकाच पेगमध्ये काही लोकांना लवकर नशा का चढते, यामागील शरीराचे वजन, वय आणि मेटाबॉलिझम अशी वैज्ञानिक कारणे तज्ज्ञांनी स्पष्ट केली आहेत.

Published On: 

Alcohol consumption and health concept

प्रतिनिधी, 12 ऑक्टोबर: अनेकदा आपण पाहतो की, मद्यपान करताना काही जणांना एकाच पेगमध्ये नशा चढते, तर काही जणांवर दारूचा परिणाम खूप उशिरा होतो. हे केवळ योगायोग नसून, यामागे विशिष्ट वैज्ञानिक आणि शारीरिक कारणे असल्याचे तज्ज्ञांनी स्पष्ट केले आहे.

व्यक्तीचे वय, शरीराचे वजन, लिंग, मद्यपानाचा वेग आणि शरीराची दारू पचवण्याची क्षमता (अल्कोहोल मेटाबॉलिझम) या प्रमुख घटकांवर नशेची पातळी अवलंबून असते. शरीरात दारू गेल्यानंतर ती रक्ताद्वारे विविध अवयवांपर्यंत पोहोचते. ज्या व्यक्तींच्या शरीरात पाण्याचे प्रमाण तुलनेने कमी असते, त्यांच्या रक्तात अल्कोहोलचे प्रमाण (कॉन्सन्ट्रेशन) वेगाने वाढते. त्यामुळे समान प्रमाणात दारू पिऊनही अशा व्यक्तींना नशा लवकर चढते. याशिवाय, सामान्यतः कमी वजन असलेल्या व्यक्तींवरही दारूचा प्रभाव जलद गतीने होत असल्याचे दिसून येते.

रिकाम्या पोटी मद्यपान करणे हे नशा त्वरित चढण्याचे आणखी एक महत्त्वाचे कारण आहे. रिकाम्या पोटी दारू प्यायल्यास ती शरीरात अतिशय वेगाने शोषली जाते आणि ब्लड अल्कोहोल कॉन्सन्ट्रेशन त्वरित वाढते. याउलट, प्रोटीन आणि कार्बोहायड्रेट्सयुक्त जेवण केलेले असल्यास, पोटातील छोट्या आतड्यांमध्ये दारू पोहोचण्याचा वेग मंदावतो. त्यामुळे रिकाम्या पोटी मद्यपान करणाऱ्यांना खूप कमी वेळात नशा जाणवू लागते.

काही व्यक्तींना दारू सहन करण्याची क्षमता (टॉलरन्स) वाढलेली असल्यामुळे नशा कमी चढल्याचे वरवर दिसू शकते. मात्र, दारू पचवण्याची क्षमता जास्त असल्यामुळे शरीर सुरक्षित राहते, हा निव्वळ गैरसमज आहे. नशा कमी जाणवली तरीही दारूचे शरीरावरील दुष्परिणाम होतच असतात. (वैधानिक इशारा : मद्यपान आरोग्यास हानिकारक असून त्याचे सेवन शरीरावर गंभीर परिणाम करू शकते. आरोग्यविषयक समस्यांसाठी तज्ज्ञ डॉक्टरांचा सल्ला घ्यावा.)

📌 महत्वाच्या बातम्या

MHD News

सत्य, निष्पक्षता आणि नव्या दृष्टिकोनाची कास धरत, 'महाराष्ट्र देशा' प्रत्येक घटनेचं प्रामाणिक रिपोर्टिंग करत आले आहे. अचूक आणि वेगवान बातम्या लोकांपर्यंत पोहोचवणे हे आमचे ध्येय आहे.

🕘 संबंधित बातम्या

Maharashtra Desha App Logo

महाराष्ट्र देशा App डाउनलोड करा

ताज्या बातम्या सर्वात आधी — Notifications सकट!

★★★★★ 4.8 (12K+ reviews)
🔔 Breaking Alerts 📖 Offline वाचा 🎙️ Audio News 📺 Live TV

FREE पूर्णपणे मोफत — कोणतेही Subscription नाही