डिमार्टमध्ये कॅरी बॅगसाठी पैसे मोजताय? ‘ही’ सोपी युक्ती वापरून वाचवा तुमचे पैसे

प्रतिनिधी, 4 ऑक्टोबर: घरातील किराणा आणि इतर साहित्य स्वस्तात मिळत असल्याने बहुतांश नागरिकांचा डिमार्टमध्ये खरेदी करण्याकडे कल असतो. यामुळे पैशांची मोठी बचत होते. मात्र, खरेदी केल्यानंतर सामान नेण्यासाठी ग्राहकांना अनेकदा २० रुपये देऊन कॅरी बॅग विकत घ्यावी लागते.

खरेदी केलेल्या सामानासाठी साधारणपणे दोन ते तीन पिशव्या लागतात. यासाठी ग्राहकांचे जवळपास शंभर रुपये खर्च होतात. मात्र, खरेदी करताना एका सोप्या युक्तीचा वापर केल्यास हे अतिरिक्त पैसे वाचवता येऊ शकतात.

डिमार्टमध्ये डाळ, तांदूळ आणि इतर कडधान्ये भरण्यासाठी ग्राहकांना मोफत कॅरी बॅग उपलब्ध करून दिलेल्या असतात. खरेदी करताना या पिशव्या मोठ्या आकाराच्या घेतल्यास, त्यात इतर सामानही सहज ठेवता येते. यामुळे वेगळी कॅरी बॅग विकत घेण्याची वेळ येत नाही आणि पैशांची बचत होते.

दरम्यान, दुकानाचा लोगो (चिन्ह) असलेल्या पिशव्यांसाठी ग्राहकांकडून पैसे आकारण्यावर काही दिवसांपूर्वीच ग्राहक आयोगाने कडक ताशेरे ओढले आहेत. त्यामुळे अशा प्रकारच्या पिशव्यांसाठी पैशांची मागणी करणे कायदेशीरदृष्ट्या योग्य नसल्याचेही स्पष्ट झाले आहे.

📌 महत्वाच्या बातम्या

• ‘काही अडचण असेल तर खुशाल जळा’, गोविंदासोबतच्या कथित अफेअरवर कोमल राणीने सोडले मौन
• ‘मला आता भारतात शांतता जाणवत नाही’; संजय दत्तच्या विधानामुळे सोशल मीडियावर संताप
• नागपूर पदवीधरमधून नितेश कराळे मास्तर अपक्ष लढणार; ५ ऑक्टोबरला भरणार उमेदवारी अर्ज

📰 पूर्ण बातमीचा Newspaper फोटो तयार करा