Tukaram Mundhe : गेल्या काही दिवसांत घेतलेल्या धाडसी आणि निर्णायक निर्णयांमुळे तुकाराम मुंढे (Tukaram Mundhe) पुन्हा एकदा चर्चेत आले आहेत. महाराष्ट्र अन्न व औषध प्रशासनाचे (FDA) आयुक्त म्हणून, तुकाराम मुंढे यांनी नियमांचे उल्लंघन करणाऱ्या अनेक हॉटेलवर कारवाई केली आहे.
याच पार्श्वभूमीवर, स्वातंत्र्यदिनाचे (Independence Day) औचित्य साधून त्यांनी नागरिकांना अन्नसुरक्षेबाबत एक महत्त्वाचा संदेश दिला आहे. देशाच्या प्रगतीइतकेच नागरिकांचे आरोग्य जपणेही तितकेच महत्त्वाचे आहे, यावर त्यांनी भर दिला.
Tukaram Mundhe on food safety
स्वातंत्र्यदिनानिमित्त बोलताना त्यांनी देशाच्या अखंड प्रगतीसाठी शुभेच्छा व्यक्त केल्या. सध्या मी एफडीए आयुक्त म्हणून अन्न सुरक्षेच्या क्षेत्रात काम करत आहे.
आपले हे स्वातंत्र्य आपण खात असलेल्या अन्नापर्यंतही पोहोचले पाहिजे, असे मत तुकाराम मुंढेंनी व्यक्त केले.
केवळ चवीचा विचार करण्याऐवजी आरोग्यासाठी हितकारक अशा अन्नाची निवड करावे, असे आवाहन मुंढे यांनी नागरिकांना केले. आपण काय खावे याबद्दल योग्य निर्णय घेण्याचे स्वातंत्र्य प्रत्येकाला असावे. अन्नाचे ठराविक दर्जा आणि सुरक्षिततेचे निकष पूर्ण करणारे अन्नच नागरिकांनी निवडायला पाहिजे, असे म्हणत मुंढे यांनी नागरिकांना प्रोत्साहित केले.
निरोगी आहाराचा अवलंब केल्याने नागरिकांचे आरोग्य उत्तम राहील, यावर मुंढे यांनी भर दिला. केवळ चवीसाठी पदार्थ निवडण्याऐवजी शरीराला पोषण देणाऱ्या अन्नाला प्राधान्य देणे ही काळाची गरज आहे, असे मुंढे यांनी अधोरेखित केले.
नागरिक निरोगी राहिले तरच देशही निरोगी आणि सशक्त बनेल, असा विश्वास त्यांनी व्यक्त केला. शेवटी, अन्नसुरक्षेचे महत्त्व पुन्हा एकदा अधोरेखित करताना त्यांनी एक मोलाचा विचार मांडला की, “देश निरोगी राहिला तरच आपली प्रगती वेगाने होईल.”
📌 महत्वाच्या बातम्या
- यशस्वी जैस्वालचा अनोखा विक्रम: सलग ३० कसोटी, ३० वेगवेगळी मैदाने; थेट सचिनच्या रेकॉर्डशी बरोबरी!
- १५ वर्षांखालील मुलांच्या सोशल मीडिया बंदीला ब्रेक; कोर्टाचा सरकारला मोठा दणका
- ‘जरांगेंना मुंबईत आंदोलन करण्याची वेळ येऊ देणार नाही’ : उदय सामंत
Ask Maharashtra Desha
आधी महाराष्ट्र देशाच्या उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
