‘सैराट’ फेम अरबाज शेखच्या मदतीला एकनाथ शिंदे धावले; वडिलांच्या उपचारासाठी सोलापुरात नेमकं काय घडलं?

🕒 1 min read

रुग्णालयांच्या मनमानी कारभाराचा फटका फक्त सर्वसामान्यांनाच बसतो असं नाही, तर सेलिब्रिटींनाही याचा मोठा मनस्ताप सहन करावा लागतो. ‘सैराट’ फेम अभिनेता अरबाज शेख (Arbaaz Sheikh) याने नुकताच आपल्या वडिलांच्या उपचाराबाबत रुग्णालयाबाहेर उभा राहून एक रडता व्हिडीओ शेअर केला होता.

या व्हिडीओनंतर आता राज्याच्या यंत्रणा कशा वेगाने हलल्या आहेत? अरबाजच्या वडिलांना ब्रेन हॅमरेज आणि हृदयविकाराचा त्रास असल्याने सोलापूरच्या नोबेल हॉस्पिटलमध्ये दाखल करण्यात आलं होतं.

Arbaaz Sheikh Father Eknath Shinde

मात्र, तिथे औषध खरेदीसाठी सक्ती आणि मोठी आर्थिक लूट होत असल्याचा गंभीर आरोप त्याने केला होता. अरबाजच्या व्हिडीओनंतर अन्न आणि औषध प्रशासनाने (FDA) तातडीने पावलं उचलली.

अधिकृत सूत्रांनी दिलेल्या माहितीनुसार, एफडीएचे सहाय्यक आयुक्त अरुण गोडसे यांनी नोबेल हॉस्पिटलच्या मेडिकलची झाडाझडती घेतली. यात गंभीर त्रुटी आढळल्याने तातडीने औषध विक्री बंद करण्याचे कडक आदेश देण्यात आले आहेत.

दुसरीकडे, एकनाथ शिंदे (Eknath Shinde) यांच्या सूचनेनुसार शिवसेना वैद्यकीय कक्षाचे प्रमुख मंगेश चिवटे यांनी थेट सोलापुरात जाऊन अरबाजची भेट घेतली. चिवटे यांच्या मध्यस्थीनंतर आता सोलापुरातील प्रसिद्ध डॉ. वळसंगकर हॉस्पिटलने (एस. पी. न्युरोसायन्स) उपचाराची मोठी जबाबदारी घेतली आहे.

डॉ. अश्विन वळसंगकर यांनी अरबाजच्या वडिलांवर उपचारासाठी पूर्ण मदत करण्याचं मान्य केलं आहे. आपल्या वडिलांना वाचवण्यासाठी अरबाजने सोशल मीडियावर हतबल होऊन मदत मागितली होती.

१० हजार डिपॉझिट आणि केवळ त्यांच्याच मेडिकलमधून ४० हजारांची औषधं घेण्याची सक्ती, हा त्याचा अनुभव अंगावर काटा आणणारा होता. मात्र, आता योग्य ती वैद्यकीय मदत मिळाल्याने शेख कुटुंबाला मोठा दिलासा मिळाला आहे.

📌 महत्वाच्या बातम्या

• प्राजक्ता माळीची ‘देवखेळ’ सीरिज ओटीटीवरून हटवणार? विधानसभेत शेलारांचे मोठे आदेश
• तुकाराम मुंढेंचा दणका, ठाण्यात FDA ची मोठी कारवाई; सडलेले अन्नपदार्थ जप्त
• महाराष्ट्राला खरंच नवा मुख्यमंत्री मिळणार? राऊतांच्या दाव्यावर बावनकुळेंनी दिलं थेट उत्तर

📈 लोकप्रिय बातम्या

‘…तर तुम्हाला जनतेसमोर उघडे पाडू!’ सर्वोच्च न्यायालय महाराष्ट्र सरकारवर भडकलं

पावसाची विश्रांती संपणार! राज्यात पुन्हा मुसळधार; हवामान खात्याचा मोठा इशारा

पार्थ पवार अडकणार विवाहबंधनात: ‘ती’ मिस्ट्री गर्ल कोण जिच्याशी पुण्यात होणार साखरपुडा?