मुंबई : शिवसेना ठाकरे गटातील (Thackeray Gat) सहा खासदारांनी शिंदे गटात (Shinde Gat) प्रवेश केल्यानंतर पक्षाला मोठा धक्का बसला होता. या पार्श्वभूमीवर उद्धव ठाकरे गटासाठी कोकणातून दिलासादायक बातमी समोर आली आहे.
एकनाथ शिंदे (Eknath Shinde) यांच्या नेतृत्वाखालील शिवसेनेत गेलेले ज्येष्ठ नेते बाळा पावसकर (Bala Pawaskar) यांनी पुन्हा उद्धव ठाकरे (Uddhav Thackeray) यांच्या शिवसेनेत प्रवेश केला आहे. माजी आमदार आणि जिल्हाप्रमुख वैभव नाईक (Vaibhav Naik) यांच्या उपस्थितीत पावसकर यांनी स्वगृही परतण्याचा निर्णय घेतला.
सिंधुदुर्ग आणि कुडाळ परिसरातील स्थानिक राजकारणात बाळा पावसकर यांचा प्रभाव मानला जातो. कोकणात ठाकरे गटाची संघटनात्मक ताकद वाढवण्यासाठी त्यांच्या पुनरागमनाचा फायदा होणार असल्याची चर्चा आहे.
ठाकरे गटाची पुन्हा बांधणी करण्यासाठी पावसकर सक्रिय भूमिका बजावणार असल्याची माहिती आहे. तसेच सिंधुदुर्ग जिल्ह्यातील राजकारणात ते वैभव नाईक यांना साथ देणार असल्याचे सांगितले जात आहे.
दरम्यान, शिंदे गट कोकणात आपली पकड मजबूत करत असताना बाळा पावसकर यांच्या घरवापसीमुळे त्यांना राजकीय धक्का बसल्याचे बोलले जात आहे.
📌 महत्वाच्या बातम्या
- शिधावाटप व्यवस्थेत होणार मोठे फेरबदल; जाणून घ्या…
- संजय पाटील विरुद्ध ठाकरे गट; आदित्य ठाकरेंनी दिलं खुलं चॅलेंज
- ‘कोणाचेही घर बॉम्बने उडवू देणार नाही’; संजय दिना पाटलांवर मुख्यमंत्र्यांची रोखठोक भूमिका
