🕒 1 min read
तुमच्या घरात अचानक शेजाऱ्याचा मृतदेह आढळला तर तुम्ही काय कराल? नुसत्या कल्पनेनेच अंगावर काटा येतो ना? पण याच भयंकर परिस्थितीवर आधारित एक नवा सिनेमा सध्या ओटीटीवर धुमाकूळ घालतोय. ‘धकधक गर्ल’ माधुरी दीक्षित (Madhuri Dixit) पुन्हा एकदा एका नव्या आणि अत्यंत वेगळ्या भूमिकेतून प्रेक्षकांच्या भेटीला आली आहे.
नेटफ्लिक्सवर ४ जून २०२६ रोजी ‘मां बहन’ (Maa Bahen Netflix movie) हा डार्क कॉमेडी थ्रिलर सिनेमा प्रदर्शित झाला आहे. २ तास ७ मिनिटांचा हा चित्रपट ओटीटीवर येताच प्रेक्षकांच्या चांगलाच पसंतीस उतरला असून, सध्या याचीच जोरदार चर्चा सुरू आहे.
Madhuri Dixit Netflix Movie
सुरेश त्रिवेणी यांनी दिग्दर्शित केलेल्या या चित्रपटाची कथा अक्षरशः डोक्याचा भुगा करणारी आहे. एका विधवा आई आणि तिच्या दोन मुलींच्या आयुष्यात अचानक एक वादळ येतं. त्यांच्याच किचनमध्ये शेजाऱ्याचा मृतदेह सापडतो आणि इथूनच खऱ्या थराराला सुरुवात होते.
हा मृतदेह लपवण्यासाठी या तिघी मायलेकी मिळून काय काय जुगाड करतात आणि त्यांच्या वाट्याला कोणते अडथळे येतात, याचा रंजक प्रवास या चित्रपटात दाखवण्यात आला आहे. हसवता हसवता समाजातील एका संवेदनशील आणि गंभीर मुद्द्यावरही हा सिनेमा अत्यंत मार्मिक भाष्य करतो.
माधुरी दीक्षित आणि सध्याची लोकप्रिय अभिनेत्री तृप्ती डिमरी यांची यातील मुख्य भूमिका लक्षवेधी ठरतेय. त्यांच्यासोबतच रवी किशन, गीतांजली कुलकर्णी, अरुणोदय सिंह आणि शार्दुल भारद्वाज यांच्याही यात दमदार भूमिका आहेत. त्यामुळे या वीकेंडसाठी हा सिनेमा प्रेक्षकांसाठी एक उत्तम पर्याय ठरत आहे.
📌 महत्वाच्या बातम्या
- कंगनाची ‘ती’ पोस्ट शेअर केली अन् गिरीजा ओकचे हजारो फॉलोअर्स घटले; अभिनेत्रीने स्वतःच केला खुलासा
- मनोज जरांगे पाटलांची ‘ती’ सर्वात मोठी मागणी अखेर मान्य, राज्य सरकारने घेतला मोठा निर्णय
- पाटण्यात मोठा गौप्यस्फोट: खान सरांच्या सुरक्षारक्षकांकडूनच गोळीबार, नवा व्हिडिओ समोर आल्याने खळबळ
बातम्यांसाठी YouTube चॅनेल Subscribe करा
Subscribe Now
